Kitaplar
Rêbera Xizmetê

   Pirs: Hinek mirovên netebitî Bûyera 31ê Adarê kirine benîştê devê xwe, tu derbarê wê de çi dibêjî?

   Bersiv: Ger tu derbarê saîqeya 11ê Nîsanê  de dipirsî, min îzahata lazim, di berhema xwe İki Mekteb-i Musibetin Şehadetnamesi (Haşiye)  de kiriye, ku ew parastina min ya Dîwana Herbê bû.

Piştî vê şîroveyê, ez bi temamê hêza xwe dibêjim; ji ber ku alîgir û dijberan, sûcê xwe kirin stûyê hinekên masûm, bêteref û xwedîtewekkul, wê bûyerê rû da.

   Ey pozbilind û mexrûrên ku xirabiyên xwe dikin stûyê mirovên din û xwe bêsûc dibînin! Mînaka we weke ya wan mirovan e ku hev dikujin û li ser rûyê erdê xirabiyê dikin. Paşî hinek mirovên salih dikevin navbera wan, dixwazin wê xirabiya wan biqedînin û wan li hev bînin, ji ber vê jî wan vedixwînin aşîtiyê. Kesên ku ji bo lihevhatina wan ketine navberê, ji bo ku hîleyên wan yên dijwar ji holê rabikin, hinek tiştên pîroz tînin bîra wan. Xwedê jî van mirovên ku dikevin navberê, bi bereketa wan tiştên pîroz ku bi bîra herdu aliyan xistin serkeftî û muweffeq dike; ew camêr xirabiya wan xiraban ji sedî dadixin yekê.

   Pey re, ew herdu aliyên dijminên hev, ji bo ku xwe pak bidêrin, gotinên ku li xweşa xurûr û ezîtiya wan diçin ji hev re dibêjin û dest pê dikin, bi bêînsafî êrîşê dibin ser wan şîretkarên bêguneh ku navcîtiya wan dikirin. Bi vî şiklî dixwazin temamê şaşiyên xwe bikin stûyê wan masûmê ku dixwestin xeletiyên wan rast bikin, rêyên wan yên nexweşîna webayê bigirin.

   Belê, gerçî ji wê qefleya şîretker jî hinekan êrîş kirin, lê ji ber ku wan bi wê nêrîna xwe ya bi diqqet, di nav tovê dara ku yê berê henzeleyê jê çêbûba de hinek tovê dara ziqqûmê jî dîtin, êrîş kirin. Di eslê meselê de wan bi vê êrîşa xwe di rêya Xwedê de cîhad kiriye.

(İçtimaî Dersler, Hutbe-i Şamiye: 75)

***

Hata Bildirim Formu
Sayfalar
123456789101112131415161718192021222324252627282930313233343536373839404142434445464748495051525354555657585960616263646566676869707172737475767778798081828384858687888990919293949596979899100101102103104105106107108109110111112113114115116117118119120121122123124125126127128129130131132133134135136137138139140141142143144145146147148149150151152153154155156157158159160161162163164165166167168169170171172173174175176177178179180181182183184185186187188189190191192193194195196197198199200201202203204205206207208209210211212213214215216217218219220221222223224225226227228229230231232233234235236237238239240241242243244245246247248249250251252253254255256257258259260261262263264265266267268269270271272273274275276277278279280281282283284285286287288289290291292293294295296297298299300301302303304305306307308309310311312313314315316317318319320321322323324325326327328329330331332333334335336337338339340341342343344345346347348349350351352353354355356357358359360361362363364365366367368369370371372373374375376377378379380381382383384385386387388389390391392393394395396397398399400401402403404405406407408409410411412413414415416417418419420421422423424425426427428429430431432433434435436437438439440441442443444445446447448449450451452453454455456457458459460461462463464465466467468469470471472473474475476477478479480481482483484485486487488489490491492493494495496497498499500501502503504505506507508509510511512513514515516517518519520521522523524525526527528529530531532533534535536537538539540541542543544545546547548549550551552553554555556557558559560561562563564565566567568569570571572573574575576577578579580581582
Fihrist
Lügat