Kitaplar
Rêbera Xizmetê

   Îcar eger tu jî di vê rewşa wehşî û ehmeqane de, bikevî nav wan; ewretê xwe tazî bikî û çavê xwe bigirî, ma mesqereyeke jê mezintir û zirarekî jê xirabtir heye gelo?

   Bi rastî jî ev mirovên ku ji nesla mislimanan tên, çendî ku aqil û fikrê wan ji Îslamê veqetin jî, fitret û wijdana wan tu carî dev ji Îslamiyetê bernadin. Yên herî bêaqil û gunehkar jî -bi tabetî jî kesên ku ji siyasetê agahdar bin- bi temamî terefdarên Îslamê ne ku cihê me yî bi ewle yê xwesipartinê ye.

   Ji esra seadetê heta niha tu berhemên tarîxê ji me re ranegihandine ku mislimanek bi muhakemeya xwe ya eqlî dev ji dînê xwe berdabe û bi delîl dînekî din tercîhî Îslamiyetê kiribe. Rast e, kesên ku ji dîn derdikevin hene, lê ew tiştekî din e. Lêbelê peyrewên dînên din birr bi birr bi muhakemeya eqlî û bi delîl dînê Îslamê qebûl kirine û dikin jî. Eger em Îslamiyeta heqîqî, durustiyeke layiqê wê û îstîqameteke rast nîşan bidin, ji vir û pê de yê “efwacen, efwacen” ango birr bi birr bikevin dînê Îslamê.

   Hem jî dîrok nîşanî me dide ku şaristaniya ehlê Îslamê, li gorî lipeyçûna wan ya li pey rastiyên Îslamiyetê ye. Şaristaniya xelkên din bi dînê wan re berevajî ye. Hem jî rastî nîşanî me dide ku mirovên hişyar nabin bêdîn. Bi taybetî jî mirovê ku hişyar be, mirovahiyê nas bike û bûbe namzedê ayende û ebedê, ne mumkin e ku bibe bêdîn. Lewra mirovekî ku hişyar be; eger cihekî ku xwe bisipêriyê peyda neke, cihekî ku daxwazên wî yên bêdawî zêde bike û ji wan re bibe derman, bibe cihê ku hewara xwe bigihîniyê -yanî daneya heqîqetê ku ew jî dînê heq e- peyda neke, nikare li hember êrîşên kaînatê bijî. Ji ber vê hikmetê ye ku bi herkesî re meyla gera li dînê heq çêbûye. Naxwe nîşan û elameteke spehî ye ku Îslamiyet di ayendeyê de yê bibe dînê fitrî yê mirovan.

   Ey Bêînsafno! Hûn çawa rastiya Îslamê ku dikare temamê alemê daqurtîne, bi hev ve bike, xwedî bike û ronî bike, teng dibînin? Hûn çawa wê tenê dikin para feqîran û nîvê din li derve dihêlin? Qesra nûranî ya Îslamiyetê xwediya temamê mukemmeliyê ye û hemî teamên ku temamê mirovahiyê û hestên wê yên bala têr dikin, tê de ne. 

Hata Bildirim Formu
Sayfalar
123456789101112131415161718192021222324252627282930313233343536373839404142434445464748495051525354555657585960616263646566676869707172737475767778798081828384858687888990919293949596979899100101102103104105106107108109110111112113114115116117118119120121122123124125126127128129130131132133134135136137138139140141142143144145146147148149150151152153154155156157158159160161162163164165166167168169170171172173174175176177178179180181182183184185186187188189190191192193194195196197198199200201202203204205206207208209210211212213214215216217218219220221222223224225226227228229230231232233234235236237238239240241242243244245246247248249250251252253254255256257258259260261262263264265266267268269270271272273274275276277278279280281282283284285286287288289290291292293294295296297298299300301302303304305306307308309310311312313314315316317318319320321322323324325326327328329330331332333334335336337338339340341342343344345346347348349350351352353354355356357358359360361362363364365366367368369370371372373374375376377378379380381382383384385386387388389390391392393394395396397398399400401402403404405406407408409410411412413414415416417418419420421422423424425426427428429430431432433434435436437438439440441442443444445446447448449450451452453454455456457458459460461462463464465466467468469470471472473474475476477478479480481482483484485486487488489490491492493494495496497498499500501502503504505506507508509510511512513514515516517518519520521522523524525526527528529530531532533534535536537538539540541542543544545546547548549550551552553554555556557558559560561562563564565566567568569570571572573574575576577578579580581582
Fihrist
Lügat