Belê, azadiya Osmaniyan vebûna bextê Asyaya qerase ye, mifteya bextê Îslamiyetê ye û bingeha kêfxweşiya yekîtiya Îslamê ye.

   Pirs: Ew hersê qeyd çi ne ku zorestiya manewî bi wan alema Îslamê girêdaye?

   Bersiv: Mesela, zordestiya hukûmeta Rûsan qeydek e. Serdestiya milletê Rûs qeydeke din e. Serkeftina adetên kufrî û zalimane jî qeyda sisêyan e. Çendî ku hukûmeta Îngilîzan ne zordest be jî milletê Îngilîz zorbe ye, hetta adetên wan jî wisa ne. Ha ji we re Hindistan delîlek e, Misir jî nîvdelîleke din e. Loma jî milletê me yan bi sê qeydan yan jî bi qeydek û nîvê qeydkirî û girêdayî ye. Li hember vê, tenê qeydeke me ya derewîn di lingê ne-mislimanan de heye. Ji bo wê qeydê me gelek naziyên wan kişandin, lê dîsa jî ew ji hêla serwet û nesla xwe ve zêde bûn. Me jî bi memûrî û leşkeriyê girt ku cûreyekî xizmetkariyê ne. Em hem ji aliyê nesla xwe ve, hem jî ji aliyê serweta xwe ve ber bi jêr ve gêr bûn. Ez bim, ew ji berê ve azad bûn. Lewra fikra milliyetê bavê azadiyê ye. Dîsa yên êsîr Kurd û Tirk bûn. Îcar em wê qeydê ji lingê sê milyonan, yan jî deh milyonan vedikin da ku rê li vekirina sê qeydên li sêsed milyon mislimanî vebe. Helbet mirovê ku pêşî sisêyan dide û paşî li hemberî wê sêsedî bi dest dixe, zirarê nake.

وَسَيَأْخُذُ الْاِسْلَامُ بِيَمِينِهِ مِنَ الْحُجَّةِ سَيْفًا صَارِمًا جَزَّارًا مُهَنَّدًا، وَبِشِمَالِهِ مِنَ الْحُرِّيَّةِ لِجَامَ فَرَسٍ عَرَبِيٍّ مُشْرِقِ اللَّوْنِ فَالِقًا بِفَأْسِهِ وَقَوْسِهِ رُؤُسَ الْاِسْتِبْدَادِ الَّذِي بِهِ انْدَرَسَ بَساَتِينُناَ