mislimanan da çêdike û firqeyên jirêketî yên mîna Mutezîle, Cebriye û Murcîe diwelidîne, zordestî ye. Belê, zordestiya ilmî, bavê teqlîdê ye û kurê zordestiya siyasî ye. Vê zordestiyê firqeyên mîna Cebriye, Rafizî, û Mutezîle ku aloziyê dikin Îslamê welidandine.

   Pirs: Me nizanibû ku zordestî jehreke weha kujer e. Hemd ji Xwedê re ku peşkilî û parçe bû. Îcar tu ji me re meşrûtiyeta ku li hember wê jehrê weke dermanekî ye û tedawî dike, tarîf bike.

   Bersiv: Ezê ji we re qala meşrûtiyeta ku hûn hînî wê nebûne, ji ber kirinên hinek memûran û aloziya zordestiyê, şaş ji we re hatiye nîşandan û we ew şaş fêhm kiriye nekim û ji we re rave nekim. Ezê meşrûtiyeta meşrû ya ku hedefa hukûmetê ye ji we re diyar bikim:

   Meşrûtiyet meşwereta şer‘î ye û tecelliya van ayetên kerîm e:

وَ اَمْرُهُمْ شُورَى بَيْنَهُمْ

وَشاَوِرُهُمْ فِي الْاَمْرِ

   Jiyana bedena wê ya nûranî heqî ye, ne hêz e. Dilê wê marîfet e. Zimanê wê hezkirin e. Aqilê wê qanûn e, ne şexs in.

   Belê, meşrûtiyet serweriya gel e. Hûn bi xwe jî bûn serwer. Wesîleya bextewariya hemî gelan e û hûnê jî bextewariyê bibînin. Meşrûtiyet temamê şewq û hestên bala hişyar dike. Xew bes e, êdî hişyar bibin. Meşrûtiyet însanan ji heywanîtiyê xilas dike, hûn jî bibin mirovên çê. Meşrûtiyet yê bextê Îslamiyetê û tali‘a Asyayê vebike. Mizgîn ji we re! Yê umrê dewleta me bike mezherê umrê ebedî; yê wê bi baqîbûna millet baqî bike. Êdî hûn bêhêvî nebin. Ev yekramana zordestiyê ku niha musaid e ku mîna têleke zirav bi coşbûna hewa û hewesê li her deverê belav bibe, yê biçe. Di şûna wê de yê raya giştî mîna singekî hesinî yê asê û şûrekî pola bi cih bibe. Hûnê jî mîna keştiya Nûh pê ewle bibin.