Kitaplar
Rêbera Xizmetê

   Yên ku berê ji aliyê xwe ve li paş Kurdan bûn, îro ji rewşa wan ya rawestiyayî îstîfade dikin. Ev jî dike ku ehlê hemiyetê difikirin. Ev hersê xal mîna ku di paşerojê de derbeke dijwar ji Kurdan re amade dikin, loma jî dilê ehlê besîretê dişewitînin.

   Çareya vê: Ji bo ku mirov bibe mînakeke ku xelk li pey biçin û sebebê teşwîqkirin û xwestinê, divê li deverên cihê yên Kurdistanê sê zanîngeh bêne avakirin: Yek jê, li Beytuşşebaba navenda eşîrên Ertûşiyan; yek jê jî di navberka Mutkan, Belkan û Sason de; û ya din jî li Wanê, di navbera Sibkan û Heyderan de. Divê ew zanîngeh bi navê medresê be, ku di nav xelkê de tê naskirin û divê ilmên dînî û zanistên lazim bi hev re bêne xwendin. Qet nebe divê di her yekê ji wan de 50 şagirt hebin û aboriya wan jî ji hêla hukûmeta hêja ve bête dayin.

   Vejîna hinek medreseyan jî xalek ji wan xalên girîng e ku hem ji hêla maddî, hem jî ji hêla manewî ve jiyana paşerojê ya Kurdistanê temîn dikin. Bi vê, bingeha perwerdeyê tê avêtin. Bi vê destpêkê yê yekîtî bi cih bibe û mirov dê wê hêza mezin ku ji ber îxtîlafa hundirîn mehf bûye, bide destê hukûmetê da ku wê li derve bikar bîne. Bi vî awayî mirov dibe musteheqê edaletê, qabiliyeta xwe ya medenîbûnê nîşan dide û cewhera xwe ya fitrî jî diyar dike.

Mela Seîdê Meşhûr

İçtimaî Dersler, Makaleler: 507-508)

***

   Peyva Pêncan: Dersa ku min ji meşwereta şer‘î girtiye ev e:

   Di vî zemanî de gunehê mirovekî weke gunehekî tenê namîne: Carna mezin dibe, digihe yên din jî. Qencî jî carna weke qenciyeke tenê namîn; hezarqet dibe. Sirra vê hikmetê jî ev e:

   Hurriyeta şer‘î û meşwereta meşrû, hakimiyeta milliyeta me ya heqîqî nîşan dan. Bingeh û rûhê milliyeta me ya heqîqî Îslamiyet e. Ji ber xîlafeta Osmanî û beyreqdariya artêşa Tirk ji wê milliyetê re, Ereb û Tirk, sênc û kelehên milliyeta Îslamê ne, herdu du birayên heqîqî ne û nobedarên wê keleha pîroz in.

Hata Bildirim Formu
Sayfalar
123456789101112131415161718192021222324252627282930313233343536373839404142434445464748495051525354555657585960616263646566676869707172737475767778798081828384858687888990919293949596979899100101102103104105106107108109110111112113114115116117118119120121122123124125126127128129130131132133134135136137138139140141142143144145146147148149150151152153154155156157158159160161162163164165166167168169170171172173174175176177178179180181182183184185186187188189190191192193194195196197198199200201202203204205206207208209210211212213214215216217218219220221222223224225226227228229230231232233234235236237238239240241242243244245246247248249250251252253254255256257258259260261262263264265266267268269270271272273274275276277278279280281282283284285286287288289290291292293294295296297298299300301302303304305306307308309310311312313314315316317318319320321322323324325326327328329330331332333334335336337338339340341342343344345346347348349350351352353354355356357358359360361362363364365366367368369370371372373374375376377378379380381382383384385386387388389390391392393394395396397398399400401402403404405406407408409410411412413414415416417418419420421422423424425426427428429430431432433434435436437438439440441442443444445446447448449450451452453454455456457458459460461462463464465466467468469470471472473474475476477478479480481482483484485486487488489490491492493494495496497498499500501502503504505506507508509510511512513514515516517518519520521522523524525526527528529530531532533534535536537538539540541542543544545546547548549550551552553554555556557558559560561562563564565566567568569570571572573574575576577578579580581582
Fihrist
Lügat