Kitaplar
Rêbera Xizmetê

   Gelî birayên li Mizgevta Emewî û gelî birayên min yên piştî nîvqernî li mizgevta alema Îslamê! Ma ji serî heta bi vir ew tiştên ku weke destpêk qewimîbûn, encamê nadin û diyar nakin; tişta ku hem heqîqî hem jî manewî li parzemînên paşerojê bibe hakim û mirovan bigihîne bextewariya dînî û dinyayî, tenê Îslam e û dînê heqîqî yê Filehiyê ye ku ji xirakirin û tehrîfatan pak dibe; vediguhere dibe Îslam, li pey Qur’anê diçe û pê re îttîfaq dike.

(Tarihçe-i Hayat: 93)

***

   Têkiliyên bi Ne-mislimanan û Nijadên din re

   Pirs: Emê çawa bi ne-mislimanan re bibin weke hev?

   Bersiv: Wekhevî ne di fezîlet û şerefê de ye, di maf de ye. Di maf de jî şah û geda yek in. Gelo şerîeteke ku bibêje “pê li mîroyê nekin” û nehêle ku eziyet lê bête kirin, wê çawa mafê mirovan îhmal bike? Nexêr, me tiştekî weha nekiriye. Bi texmîna min mehkemebûna Îmamê Elî (r.e.) bi cihûyekî normal re û ya Selaheddînê Eyyûbî ku serbilindiya we ye, bi filehekî feqîr re, vê şaşiya we rast dikin.

   Pirs: Ermenî zimmî ne. Ehlê zimmetê bi zimmîbûna xwe çawa dikarin bi zimmetdarên xwe re bibin mîna hev?

   Bersiv: Divê em xwe di neynika dêwan de nebînin. Qebahet ya me ye. Me ew bi temamî nekirin zimmeta xwe û edaleta şerîetê jî tam nîşanî wan neda. Ji ber statukoya zordestiyê, me mafê wan di çarçeveya şerîetê de neparast. Paşî me mafê wan xwest, lê êdî hêza me nemabû. Ez li Ermeniyên niha bi çavê hevpeymanên zimmî mêze dikim.

   Pirs: Ermenî neyartiya me dikin, hîle û xayintiyê li me dikin. Emê çawa li ser dostaniyê bi wan re li hev bikin?

Hata Bildirim Formu
Sayfalar
123456789101112131415161718192021222324252627282930313233343536373839404142434445464748495051525354555657585960616263646566676869707172737475767778798081828384858687888990919293949596979899100101102103104105106107108109110111112113114115116117118119120121122123124125126127128129130131132133134135136137138139140141142143144145146147148149150151152153154155156157158159160161162163164165166167168169170171172173174175176177178179180181182183184185186187188189190191192193194195196197198199200201202203204205206207208209210211212213214215216217218219220221222223224225226227228229230231232233234235236237238239240241242243244245246247248249250251252253254255256257258259260261262263264265266267268269270271272273274275276277278279280281282283284285286287288289290291292293294295296297298299300301302303304305306307308309310311312313314315316317318319320321322323324325326327328329330331332333334335336337338339340341342343344345346347348349350351352353354355356357358359360361362363364365366367368369370371372373374375376377378379380381382383384385386387388389390391392393394395396397398399400401402403404405406407408409410411412413414415416417418419420421422423424425426427428429430431432433434435436437438439440441442443444445446447448449450451452453454455456457458459460461462463464465466467468469470471472473474475476477478479480481482483484485486487488489490491492493494495496497498499500501502503504505506507508509510511512513514515516517518519520521522523524525526527528529530531532533534535536537538539540541542543544545546547548549550551552553554555556557558559560561562563564565566567568569570571572573574575576577578579580581582
Fihrist
Lügat