Kitaplar
Rêbera Xizmetê

   Eger tu bibêjî: “Di mijara xîlafeta Îslamê de Îmamê Elî digel îqtîdar û zekaya ji adetê der û tevî wê layiqbûna xwe ya bala jî, li gorî yên berî xwe nisbeten bi ser neket. Sebebê vê çi ye?”

   Bersiv: Ew zatê mubarek ji siyaset û seltenetê pirtir, layiqê peywirên hê girîngtir bû. Eger ji hêla siyast û seltenetê ve tam bi ser biketa, yê unwana kûrmane “şahê weliyan” bi temamî bi dest nexista. Jixwe wî serweriyeke manewî ya ji xîlafeta zahirî û siyasî pir balatir bidest xist û bû mîna seydayê herkesî. Serweriya wî ya manewî heta qiyametê baqî ma.

   Lê heçî şerê Hz. Îmamê Elî yê li Siffînê bi terefdarên Hz. Muawiye re ye, ew şerê xîlafet û seltenetê ye.

(Mektubat: 75-76)

***

   Xala Duduyan: Kesên ku bi navê medeniyetê, li ser hesabê makezagona mirovan ya dema wehşet û bedewiyê êrîşî dîn dikin, ew paş ve diçin û dikevin nav wê wehşet û bedewiyê. Niha dixwazin wê makezagona wehşî, dehşetdar ku ewlehiya mirovahiyê, edalet û aştiya giştî talan dike, bînin welatê me. Xweya dike ku hinek bizavên mîna partîtiya bi kîn û înad dikin nav xelkê û îxtîlafê çêdikin. Ew makezagon jî ev e:

   Bi şaşiya yekî ji taîfeyekê, bizavekê, yan jî eşîrekê; temamê endamên wê taîfê, wê bizavê yan jî wê eşîrê sûcdar dibin û weke berpirsyar û dijmin têne dîtin. Ev makezagon şaşiyekê dike hezar şaşî. Biratî, hemwelatî û hezkirina ku bingehên tifaq û yekîtiyê ne, serûbin dike.

   Belê, hêzên bi înad û dijber ku têne hemberî hev, bêhêz dimînin. Ji ber ku bi vê bêhêziyê qels dibin, bi ser nakevin û nikarin ji millet û welat re xizmeteke adil bikin. Loma jî li gorî wê makezagona xeddar, engîzîsyonî, bedewî û wehşî; mecbûr dibînin ku maddî-manewî ruşwetê bidin û bêdînan ji xwe re bikin terefdar. Li hember vê makezagona navbderbasbûyî ev makezagona han ya nessa Qur’anê heye ku edalet bi xwe ye, semawî û pîroz e û hezkirin û biratiya heqîqî çêdike, vî milletê misliman û vî welatî ji xeterên mezin diparêze:

وَ لاَ تَزِرُ وَازِرَةٌ وِزْرَ اُخْرَى

Hata Bildirim Formu
Sayfalar
123456789101112131415161718192021222324252627282930313233343536373839404142434445464748495051525354555657585960616263646566676869707172737475767778798081828384858687888990919293949596979899100101102103104105106107108109110111112113114115116117118119120121122123124125126127128129130131132133134135136137138139140141142143144145146147148149150151152153154155156157158159160161162163164165166167168169170171172173174175176177178179180181182183184185186187188189190191192193194195196197198199200201202203204205206207208209210211212213214215216217218219220221222223224225226227228229230231232233234235236237238239240241242243244245246247248249250251252253254255256257258259260261262263264265266267268269270271272273274275276277278279280281282283284285286287288289290291292293294295296297298299300301302303304305306307308309310311312313314315316317318319320321322323324325326327328329330331332333334335336337338339340341342343344345346347348349350351352353354355356357358359360361362363364365366367368369370371372373374375376377378379380381382383384385386387388389390391392393394395396397398399400401402403404405406407408409410411412413414415416417418419420421422423424425426427428429430431432433434435436437438439440441442443444445446447448449450451452453454455456457458459460461462463464465466467468469470471472473474475476477478479480481482483484485486487488489490491492493494495496497498499500501502503504505506507508509510511512513514515516517518519520521522523524525526527528529530531532533534535536537538539540541542543544545546547548549550551552553554555556557558559560561562563564565566567568569570571572573574575576577578579580581582
Fihrist
Lügat