Kitaplar
Rêbera Xizmetê

   Di nameya birayê me yê pir muxlis Hesen Atif de hatiye nivîsîn; extiyarekî alim û waiz bi awayekî ku zirarê bide Rîsaleyên Nûr tevgeriyaye. Belengazekî mîna min hezar qusûrên wî hene, lê ji ber terkkirina min ya sunnetekê (rihberdan) ku xwe disipêre du mazeretên girîng, wî alimî berê xwe daye min û xwestiye ku bi têkbirina min zirarê bide Rîsaleyên Nûr.

   Ya Pêşîn: Bila ew zat jî bizanibe û hûn jî bizanibin: Ez xizmetkarekî Rîsaleyên Nûr im û vexwênerekî wê dikanê me. Lê heçî Rîsaleyên Nûr e, tefsîreke heqîqî ya Qur’ana Ezîmuşşan e û xwe disipêre wê. Ew Qur’an jî bi Erşê E‘zem ve girêdayî ye. Qusûrên şexsê min nikarin bikevin nav Rîsaleyên Nûr. Cilên min yên ku ez bi wan gazî heqîqetên Qur’anê dikim, nikarin qîmetê elmasên wê yên baqî kêm bikin.

   Ya Duduyan: Silavên min li wî zatê waiz û alim bikin. Ez wan îtirazên li şexsê xwe, li ser ser û çavan qebûl dikim. Hûn jî wî zatî û zatên mîna wî sewqî nîqaş û munazereyê nekin. Hetta, ku ew ji heddê xwe jî derbas bibin, bi bêduayiyê bersiva wan nedin. Kî dibe bila bibe, madem îmana wî heye, ew ji wê hêlê ve birayê me ye. Çendîn ku dijmintiya me jî bike, li gorî pîşeyê xwe em nikarin bersiva wî bidin. Lewra dijmin û marên dijwartir hene.

   Hem jî nûr di destê me de heye, dar tune. Nûr tu kesî naêşîne, bi ronahiya xwe wan miz dide.

   Bi taybetî jî kesên ku munaqeşê dikin, ku ehlê ilmê bin û ezîtiya wan ya ku ji ilmê çêdibe hebe jî, wê ezîtiya wan tehrîk nekin. Heta ku mumkin be vê ayeta han ji xwe re bikin destûr û rêber:

وَ اِذاَ مَرّوُا بِالَّغْوِ مَرّوُا كِراَماً

Hata Bildirim Formu
Sayfalar
123456789101112131415161718192021222324252627282930313233343536373839404142434445464748495051525354555657585960616263646566676869707172737475767778798081828384858687888990919293949596979899100101102103104105106107108109110111112113114115116117118119120121122123124125126127128129130131132133134135136137138139140141142143144145146147148149150151152153154155156157158159160161162163164165166167168169170171172173174175176177178179180181182183184185186187188189190191192193194195196197198199200201202203204205206207208209210211212213214215216217218219220221222223224225226227228229230231232233234235236237238239240241242243244245246247248249250251252253254255256257258259260261262263264265266267268269270271272273274275276277278279280281282283284285286287288289290291292293294295296297298299300301302303304305306307308309310311312313314315316317318319320321322323324325326327328329330331332333334335336337338339340341342343344345346347348349350351352353354355356357358359360361362363364365366367368369370371372373374375376377378379380381382383384385386387388389390391392393394395396397398399400401402403404405406407408409410411412413414415416417418419420421422423424425426427428429430431432433434435436437438439440441442443444445446447448449450451452453454455456457458459460461462463464465466467468469470471472473474475476477478479480481482483484485486487488489490491492493494495496497498499500501502503504505506507508509510511512513514515516517518519520521522523524525526527528529530531532533534535536537538539540541542543544545546547548549550551552553554555556557558559560561562563564565566567568569570571572573574575576577578579580581582
Fihrist
Lügat