Kitaplar
Rêbera Xizmetê

    “Atifê Kurd li dijî rejîmê dixebite, naxwe yên ku pê re nîqaşê dikin, xwe dispêrin rejîmê, terefdarê wê ne.”

   Min jî got: Redkirina rejîmê ne peywira me ye, ne jî hêza me jê re heye; ne em tiştekî wisa difikirin û ne jî Rîsaleyên Nûr destûrê dide. Lê em qebûl nakin, amel pê nakin û wê naxwazin. Red tiştek e, qebûlnekirin tiştekî din e. Amelnekirin tiştekî hê cudatir e. Di dema serweriya Hz. Omer (r.e.) de kes têkilî cihû û filehên ku qanûna edaleta şerîetê red nedikirin nedibû. Naxwe qebûlnekirin, amelnekirin û rastnedêrandin li gorî rêvebiriyê ne sûc û qebahet in. Muxalif û munkirên bi vî rengî di bin rêvebirî û siyaseta padîşahên herî bi hêz de jî hebûne.

   Ha ji vê hêlê ve muxalifê herî dijwar yê şagirtên Rîsaleyên Nûr ku lanetê jî li rejîmê bibarîne, heta ku li dijî rêvebirinê ranebe, li gorî qanûnê mirov nikare têkilî bîrûbaweriya wî bibe. Azadiya wijdanê û azadiya ramanê wan beraet dike.

(Kastamonu Lahikası: 246)

***

   Seydayê me dibêje: Di derengbûna biryarên dadgehan de xêr heye. Heta niha zehmetiyên ku didan şagirtên Rîsaleyên Nûr veguherîne, bûne rehmet. Ev jî nîşan dide ku di vê derengbûnê de xêrek heye. Îhtimal heye ku yek jê jî ev be:

   Rîsaleyên Nûr dest pê kiriye, li derveyê alema Îslamê jî bandûra xwe nîşan dide û belav dibe. Siyasetmedarên vê derê mîna ku bertîlekê bidin Ewrûpayê, hinekî meyla Ewrûpayîbûnê nîşan didin. Ev jî li derve wisa tê zennkirin ku eger dadgehan ji bo serbestiya Rîsaleyên Nûr biryar bidana, yê li derveyî alema Îslamê gumanek biketa îxlasa heqîqî ya Rîsaleyên Nûr. Yê bigotana: Yan şagirtên Rîsaleyên Nûr mecbûrî riyakariyê bûne, yan jî kes têkilî kesên ku weha zû têk diçin û di fikra medenîbûnê de ne, nabe. Ji ber ku yê vê gumanê zirareke mezin bidana qîmeta Rîsaleyên Nûr, ev derengbûn vê gumanê ji holê radike û îsbat dike ku ev sî sal in Rîsaleyên Nûr serî ji tiştên muxalifê şîara Îslamê re natewîne.

(Emirdağ Lahikası: 385)

***

   Armanca min ya herî pîroz bicihannîna tam ya hukmên şerîetê ye.

 (İçtimaî Dersler: 165)

***

Hata Bildirim Formu
Sayfalar
123456789101112131415161718192021222324252627282930313233343536373839404142434445464748495051525354555657585960616263646566676869707172737475767778798081828384858687888990919293949596979899100101102103104105106107108109110111112113114115116117118119120121122123124125126127128129130131132133134135136137138139140141142143144145146147148149150151152153154155156157158159160161162163164165166167168169170171172173174175176177178179180181182183184185186187188189190191192193194195196197198199200201202203204205206207208209210211212213214215216217218219220221222223224225226227228229230231232233234235236237238239240241242243244245246247248249250251252253254255256257258259260261262263264265266267268269270271272273274275276277278279280281282283284285286287288289290291292293294295296297298299300301302303304305306307308309310311312313314315316317318319320321322323324325326327328329330331332333334335336337338339340341342343344345346347348349350351352353354355356357358359360361362363364365366367368369370371372373374375376377378379380381382383384385386387388389390391392393394395396397398399400401402403404405406407408409410411412413414415416417418419420421422423424425426427428429430431432433434435436437438439440441442443444445446447448449450451452453454455456457458459460461462463464465466467468469470471472473474475476477478479480481482483484485486487488489490491492493494495496497498499500501502503504505506507508509510511512513514515516517518519520521522523524525526527528529530531532533534535536537538539540541542543544545546547548549550551552553554555556557558559560561562563564565566567568569570571572573574575576577578579580581582
Fihrist
Lügat