Wê paşê derkeve û dinyayê îslah bike. Mehdiyê Muntezer ev e.” Ehlê Sunnet ji vê fikra han re dibêjin batil e. Yan na, jixwe hedîs jî derbarê Muhemmed Mehdiyê ku ji hêla piraniya Ehlê Sunnetê ve hatiye qebûlkirin û tê payin hene. Hikmeta ku gotina aliman ya 

لاَ مَهْدِي اِلاَّ عِيسَى 

   qebûl nakin ev e: Rîwayetek heye, îşaret dike ku di axirzeman de ji bo ku mirov bikaribe li hember bizava bêdîniyê derkeve, dînê heqîqî yê Îsewîtiyê, yê bi Qur’anê re bibe yek. Qur’an bi xwe yê bibe îmam, dînê Îsewiyê jî yê bibe peyrewê wê: “Îsa tê di nimêjê de dibe tabiê Mehdî.” Eger mîna fikra wan aliman be, wê demê divê Îsewîtî bibe esas û îmam.

(Müdafaalar: 147-149)

***

   Rejîma Dewletê

   Ji serekê dozgehê re,

   Ez rica dikim ku tu ji serpêhatiya jiyana min ya pir dirêj û mezlûmane tenê vê îfadeya pir kin guhdarî bikî:

   Sebebên îxanet, raçavkirin û hebsên bêmînak ku anîn serê min, ev îddîayên han in:

   Ya Pêşîn: Dibêjin li dijî rejîmê ye, min bi vê sûcdar dikin.

   Em jî Dibêjin: Di her hukûmetê de muxalif hene. Bi şertê ku têkilî ewlehiyê nebe, tenê ji ber ku metodek li gorî wijdana xwe û dilê xwe qebûl kiriye, mirov nikare tu kesî berpirsyar bike. Lewra ji sed milyonî jî zêdetir misliman, sed salî di bin hakimiyeta Îngilîzan de man û rejîma wan ya kufrî bi Qur’anê red dikirin, qebûl nedikirin. Digel ku hukûmeta Îngilîzan di dînê xwe de pir muteessib û zordar e jî, mehkemeyên wan heta niha tu kes ji wan mislimanan mehkeme nekirine.

   Hem jî di nav vî milletî û di nav vê hukûmeta Îslamî de, ji berê de cihû û fileh hebûne. Tevî ku ew muxalifê dînê vî milletî û rejîma wî ya pîroz bûne û li dijî wê jî bûne, tu caran ji ber vê muxalifbûna xwe nehatine mehkemekirin.