Ji bo bêçareyên ehlê diyanetê û Îslamê re jî, mîna zebaniyeke Cehennemê ya di destê medeniyetê de ye, ewqas bi talûke ye, mirov hejar û esîr dike.

   Dema ku Filehiya rastîn derdikeve û vediguhere dibe Îslam, êdî ronahiya xwe li piraniya mirovan belav dike, lê nêzîkî rabûna qiyametê careke din bizaveke bêdîniyê rû dide û bi ser dikeve. Li gorî destûra “Serwerî di destê piraniyê de ye” yên ku li ser rûyê erdê bibêjin Ellah Ellah namînin. Yanî li dinyayê komeke girîng ya xwediyê meqamekî girîng nabêje Ellah Ellah. Maneya wê ev e. Yan na, ehlê heq ku hindik dimînin û têk diçin, yê heta qiyametê baqî bimînin. Lê dema ku qiyamet radibe ji bo ku wê dehşeta qiyametê nebînin, yê ji aliyê rehma Xwedê ve qenciyek bi wan bête kirin û rûhê wan pêşî bête standin. Qiyamet yê li kafiran rabe. ¹

(Mektubat: 79-82)

***

   Cîhet û Sebabê Duduyan: Ji ber ku herdu Deccal jî bi zilm û zordariya herî dijwar hukim dikin, serweriyeke wan ya pir mezin xweya dike. Zordariyeke wisa ecêb -ku qanûnê ji xwe re dike mertal û bi wê hêncetê- mudaxeleyî wijdan û muqeddessatên herkesî dike, hetta mudaxeleyî cilên wan jî dike. Bi texmîna min azadîperwerên Îslamê û Tirkan di axirzeman de bi hesta ku mirov berî bûyina tiştan pê dihese, ev zordariya dijwar his kirine, loma jî êrîş dikin, tîran diavêjin. Lê mixabin xapiyane; hedef şaş kirine û ji bo êrîşê jî eniyeke xelet hilbijartine. Jixwe ev zilm û zordariyeke wisa ye ku ji ber mirovekî, deh gundan wêran dike, sed masûmî bi cezakirin û koçberkirinê perîşan dike.

   Cîhet û Sebebê Sisêyan: Herdu Decccal jî piştgiriyê ji komîteya veşartî ya cihûyên ku kîneke dijwar li hember Îslamê û filehiyê bi wan re heye, distînin.