Kitaplar
Rêbera Xizmetê

   Bê hed û hesab şukir ji Xaliqê Rehman û Rehîm re bin ku berî niha bi şêst-heftê salî, digel ku Seîdê Berê pir feqîr jî bû, di rêya tehsîlkirina ilmê îmanê de li dijî adetê tevgeriyaye, lavelav ji xelkê nekirine, alîkariya wan nexestiye û di zarokatî û xortaniya xwe de jî xebitiye ku tayina feqiyên xwe ew bi xwe bide. Tenê demeke kin tayina pênc feqiyan qebûl kiribû û ya bîst-sî feqiyên din wî bi xwe dida. Ew feqî mecbûr neman ku ilm ji xwe re bikin navgîna debara dinyayê.

   Hezar carî şukir ji Xwedayê Erhemurrahimîn re çawa ku Seîdê Berê bi wê liberxistin û qenaetê muweffeq bûbû, niha jî Rîsaleyên Nûr bi weşana xwe dest pê kiriye bi şiklekî mukemmel nefeqeya şagirtên heqîqî yên Rîsaleyên Nûr dide. Ji bo ku îxlasa azamî xirab nebe dibêjim: Ji ber ku pênceyeka Rîsaleyên Nûr yên ku tên firotin heqê Rîsaleyên Nûr e, tam têra îdareya pêncî-şêst şagirtên xas yên Rîsaleyên Nûr, bi taybetî jî yên ku nikarin nefeqeya xwe bi dest bixin dike. Tu mafê min (Seîdê Bêçare) tê de tune. Tenê taybetmendiya çê ya Rîsaleyên Nûr û rastî û durustiya şexsê manewî yê şagirtên hêja bûne wesîle ku ev îda Nûrê ya manewî çêdibe.

   Di nav şagirtên min de ez çar-pênc mirovan, -ne ku ez dibêjim ew di ser hemiyan re ne, lê ji ber ku ew nêzîkî min mane, xizmeta min kirine û terza xebata min ji nêzîk ve dîtine û dizanin- dikim wekîlê mutleq. Ku ez mirim, yan jî li jiyanê bêşuûr bimînim, ew dizanin terza min ya Nûran çawa ye, bila tam bînin cih. Ez miha Tahirî, Sungur, Ceylan Husnu û  yek-duduyên din dikim wekîlê xwe yê mutleq û wesiyet dikim. Sermayeya Rîsaleyên Nûr yên ku hatine firotin malê Rîsaleyên Nûr e. Seîd jî xizmetkarek e. Heta ku sax e, dikare nefeqeya xwe jê bistîne. Van rojan mirin gelekî nêzîkî min xweya bû. Min jî tam dixwest du-sê salan ji sermayeya Rîsaleyên Nûr nefeqeya pêncî-şêst şagirtên li şeş bajaran bidim, lê min got belkî hinek asteng hinekan ji wan şagirtan ji xizmeta şagirtiyê dûr bikin, loma jî min dev jê berda. Min niha wesiyeta xwe nivîsî.

(Emirdağ Lahikası: 454-455)

***

Hata Bildirim Formu
Sayfalar
123456789101112131415161718192021222324252627282930313233343536373839404142434445464748495051525354555657585960616263646566676869707172737475767778798081828384858687888990919293949596979899100101102103104105106107108109110111112113114115116117118119120121122123124125126127128129130131132133134135136137138139140141142143144145146147148149150151152153154155156157158159160161162163164165166167168169170171172173174175176177178179180181182183184185186187188189190191192193194195196197198199200201202203204205206207208209210211212213214215216217218219220221222223224225226227228229230231232233234235236237238239240241242243244245246247248249250251252253254255256257258259260261262263264265266267268269270271272273274275276277278279280281282283284285286287288289290291292293294295296297298299300301302303304305306307308309310311312313314315316317318319320321322323324325326327328329330331332333334335336337338339340341342343344345346347348349350351352353354355356357358359360361362363364365366367368369370371372373374375376377378379380381382383384385386387388389390391392393394395396397398399400401402403404405406407408409410411412413414415416417418419420421422423424425426427428429430431432433434435436437438439440441442443444445446447448449450451452453454455456457458459460461462463464465466467468469470471472473474475476477478479480481482483484485486487488489490491492493494495496497498499500501502503504505506507508509510511512513514515516517518519520521522523524525526527528529530531532533534535536537538539540541542543544545546547548549550551552553554555556557558559560561562563564565566567568569570571572573574575576577578579580581582
Fihrist
Lügat