Kitaplar
Rêbera Xizmetê

   Lê mixabin te‘bîrên min yên tevlîhev û niyeta min ya xirab hinekî jê re dibin asteng. Înşaellah yê ev asteng bi duayên birayên min ji holê rabin û ew derman yê tesîra xwe nîşan bide. Ezê niha hinekî behsa tiştne din bikim:

   Ji dostekî min î li Stenbolê çend heb nusxeyên rîsaleyên min yên Erebî hatin. Min du-sê heb ji we re şandin, eger li xweşa we here, ezê yên din jî ji we re bişînim.

   Ji birayê min û feqiyê min ê pêşîn yê vê derê Şêx Mustefa re bibêje, “Birayê te Seîd dibêje: Em hem muhtacê duayên te, hem jî yên qelema te bûn. Madem tu bi qelemê xizmetê nakî ji ber wê ve divê tu pir dua bikî, lewra ew pir muhtacê duayên te ye.”

   Dîsa jê re bibêje: “Seîd dibêje: Ew hem şêx e, hem hafiz e. Ji ber ku şêx e Peyva Mi‘racê jê re lazim e. Ji ber ku hafiz e Gotine I‘cazê jê re pir lazim e, loma jî min gotiye ku bila wan ji xwe re binivîse. Zexelî kir, nenivîsî. Zirara wê tune, mirov dikare jê re binivîse.” 

   Eger bibêje, “Ez dixwazim bi tiştekî ji wan hêjatir ve meşxûl bibim.”, jê re bibêje, “hedîsa ‘Saeteke îbadet hêjaye gelek îbadet.’ bîne bîra xwe. Ev Sozler tefekkur e, hem jî qismê herî bala ye. Naxwe di şûna îbadetê herî bala de ye. Bi taybetî jî eger qelemek wan binivîse û paşê jî xelk jê îstîfade bikin, para xwediyê qelemê jî tê de heye.”

   Eger bibêje, “Ez ne muhtac im, di dil û mêjiyê min de birîn tunin”, jê re bibêje, “Eger tu ne muhtac bî, yên ku muhtacê te ne, muhtac in. Mu’minên ewam ku çavê wan li te ye û bi te ve girêdayî ne, hedefa tîrên şeytanên cinnî û insî ne. Eger tu wê Sozlerê ji wan re nekî sûr, wan rastiyan ji rûhê wan re nekî zirx û mertal, tu yê di binê berpirsyariya parastin û terbiyeya wan de bimînî.”

اَلدّاَعيِ وَ الْمُسْتَدْعيِ اَخُوكُمُ الْاُخْرَويِ

  

(Barla Lahikası: 60-62)

***

Hata Bildirim Formu
Sayfalar
123456789101112131415161718192021222324252627282930313233343536373839404142434445464748495051525354555657585960616263646566676869707172737475767778798081828384858687888990919293949596979899100101102103104105106107108109110111112113114115116117118119120121122123124125126127128129130131132133134135136137138139140141142143144145146147148149150151152153154155156157158159160161162163164165166167168169170171172173174175176177178179180181182183184185186187188189190191192193194195196197198199200201202203204205206207208209210211212213214215216217218219220221222223224225226227228229230231232233234235236237238239240241242243244245246247248249250251252253254255256257258259260261262263264265266267268269270271272273274275276277278279280281282283284285286287288289290291292293294295296297298299300301302303304305306307308309310311312313314315316317318319320321322323324325326327328329330331332333334335336337338339340341342343344345346347348349350351352353354355356357358359360361362363364365366367368369370371372373374375376377378379380381382383384385386387388389390391392393394395396397398399400401402403404405406407408409410411412413414415416417418419420421422423424425426427428429430431432433434435436437438439440441442443444445446447448449450451452453454455456457458459460461462463464465466467468469470471472473474475476477478479480481482483484485486487488489490491492493494495496497498499500501502503504505506507508509510511512513514515516517518519520521522523524525526527528529530531532533534535536537538539540541542543544545546547548549550551552553554555556557558559560561562563564565566567568569570571572573574575576577578579580581582
Fihrist
Lügat