Medeniyetê jin ji malê wan derxistine, perdeya wan qetandiye û mirovahî jî xapandiye, serxweş kiriye. Heçî jiyana aîlê ye, li ser hurmet û hezkirineke dualî ya di navbera mêr û jinê de dewam dike. Lêbelê xwetazîkirinê ew hurmet û hezkirina semîmî ji holê rakirine û jiyana aîlê jî jehr kiriye.
Bi taybetî jî bi vê mînakê tê fêhmkirin ku şikilperestî bûye sebeb ku exlaq nemaye û rûhê însan ketiye tebeqeyeke adî: Eger mêrek li rûyê cenazeyê jineke bedew ku muhtacê rehmetê ye bi çavê şehwetê binêre, bê ka ev kirina wî çiqasî exlaq talan dike; eynî wisa mêzekirina hewesperwerane ya li rûyê jinên mirî, yan jî yên sax -ku rûyê wan di hukmê cenazeyekî piçûk de ye- hestên bala yên mirovahiyê ji kokê radike û wan xira dike.
(Sözler: 505)
***
Ji rîwayeta hedîsê tê fêhmê ku di fitneya axirzeman de rola herî xirab jin dilîzin. 1 Belê, li gorî ku tê neqilkirin, jinan di tarîxên berê de bi navê “Amazon” tîmeke pir şervan û cengawer ava kirine û serkeftinên bêmînak bi dest xistine. Îro jî eynî wisa zendîqên ehlê kufrê bi plana nefsa ku emrê xirabiyê dike, li hember Îslamiyetê jinên paqrût û nîvtazî dikin bin emrê şeytan û wan bi kar tînin. Ew bi tazîbûna xwe, bi kêrên mezin êrîşî ehlê îmanê dikin. Bikaranîna jinan li hember ehlê îmanê, di nav tîmên di bin emrê wî şeytanî de tîma herî dijwar e. Ew dixebitin ku rêya nîkahê bigirin û ya fuhuşxanê jî firehtir bikin. Bi vî awayî ew nefsa gelek kesan êsîr dikin û dil û rûhê wan bi gunehên mezin birîndar dikin. Ew paqên bi kêr, ku çend salan ji hewesa nemehreman re têne nîşandan, yê cizayê xwe di Cehennemê de bikişînin. Ewê bibin êzingên wê û pêşî yê ew bişewitin. Ji ber ku wan paqrûtan sedaqeta xwe wenda kirine, yê li vê dinyayê mêrekî jî ji xwe re nebînin ku bi fitreta xwe pir muhtacê wî ne û pir dixwazin. Eger yekî bibînin jî yê bibe bela. Hetta encameke vê rewşê jî ev e:
