Kitaplar
Rêbera Xizmetê

   Fitret û afirîna zeîf ya jinê bi şiklekî pir diyar wê agahdar dike ku ew bi tesettura xwe îştaha nemehreman nekişîne û rê li destavêtinê veneke. Û dide nîşandan ku çarşefa wê keleh û mertala wê ye.

   Li gorî ku min bihîstiye li navenda paytexta hukûmetê, di nava çarşiyê de, bi roj û li ber çavê xelkê, qundureciyekî pir normal bêedebî li biwara jina pêrût ya zilamekî li dinyayê xwediyê meqamekî mezin kiriye. Ev jî şeqamekê li rûyê wan kesê bêheya û dibjberê xwenixumandinê dixe.

   Hikmeta Duduyan: Têkiliya zexm û bingehîn ya di navbera jin û mêr de, hezkirin û pêwendiya wan ne tenê ji ber pêdiviyên dinyayî ye. Belê, jinek ji mêrê xwe re ne tenê hevjîna jiyana dinyayê ye, ya axretê ye jî. Madem wisa ye, ew hevala ebedî û dosta mêrê xwe ye, divê mêrê xwe nexeyidîne. Divê nehêle ku xelk xweşikiya wê bibînin da ku mêrê wê jî jê çavnebariyê neke.

   Îcar madem mêrê wê yê bawermend, li gorî sirra îmanê xwediyê têkiliyeke bi vî rengî ye; naxwe têkiliya wan ne tenê li dinyayê ye, peywendiyên wan ne li ser hewaya heywanî hatine avakirin, hezkirina wan ne tenê muweqqet e, tenê ne ji bo dema xweşikî û ciwaniyê ye. Têkiliyên wan yên jiyaneke uxrewî ne jî, ew wisa ji hev hez dikin ku di jiyana uxrewî de jî ew hevalên hev in û hezkirin û hurmeta wan ya li ber hev li ser vê bingehê hatiye avakirin. Ew hezkirin û hurmetkarî ne tenê ya dema ciwanî û xweşikiyê ye, ya dema extiyarî û nexweşikiyê ye jî. Ji ber vê jî însaniyeta jinê dixwaze ku ew jî li hember van têkiliyên zexm, xweşikiya xwe tenê nîşanî mêrê xwe bide û tenê ji hezkirina wî re bihêle. Eger wisa neke, yê pir hindik bi dest bixe û pir zehf ji dest bixe.

(Lem’alar: 278-281)

***

Hata Bildirim Formu
Sayfalar
123456789101112131415161718192021222324252627282930313233343536373839404142434445464748495051525354555657585960616263646566676869707172737475767778798081828384858687888990919293949596979899100101102103104105106107108109110111112113114115116117118119120121122123124125126127128129130131132133134135136137138139140141142143144145146147148149150151152153154155156157158159160161162163164165166167168169170171172173174175176177178179180181182183184185186187188189190191192193194195196197198199200201202203204205206207208209210211212213214215216217218219220221222223224225226227228229230231232233234235236237238239240241242243244245246247248249250251252253254255256257258259260261262263264265266267268269270271272273274275276277278279280281282283284285286287288289290291292293294295296297298299300301302303304305306307308309310311312313314315316317318319320321322323324325326327328329330331332333334335336337338339340341342343344345346347348349350351352353354355356357358359360361362363364365366367368369370371372373374375376377378379380381382383384385386387388389390391392393394395396397398399400401402403404405406407408409410411412413414415416417418419420421422423424425426427428429430431432433434435436437438439440441442443444445446447448449450451452453454455456457458459460461462463464465466467468469470471472473474475476477478479480481482483484485486487488489490491492493494495496497498499500501502503504505506507508509510511512513514515516517518519520521522523524525526527528529530531532533534535536537538539540541542543544545546547548549550551552553554555556557558559560561562563564565566567568569570571572573574575576577578579580581582
Fihrist
Lügat