Kitaplar
Rêbera Xizmetê

   Ji ber ku di her tiştî de yekîtiyek heye, bêguman diyar dibe ku ev yekîtî tenê berhema wî Zatê bi tenê ye. Ev kaînat, bi hezarên yekîtiyên pêçayî weke xunçeya gulekê ye. Hetta, mîna însanekî kamil e ku bi qasî nav û kirinên Xwedê cilên yekîtiyê li xwe kirine. Kaînat mîna dareke tûbayê ya afirandinê ye ku bi qasî hemî tiştên heyî, wehdet û yekîtî bi şax û çiqilên wê ve daleqandî ne.

   Belê, rêvebirina kaînatê yek e, tevdîra wê yek e, serweriya wê yek e û mohra wê jî yek e. Yek, yek, yek, bi hezar hezaran yek... Ev nav û kirinên ku kaînatê dorpêç dikin hemî yek in û her yek ji wan kaînatê, yan jî pirtirê kaînatê dorpêç dike. Yanî hikmeta kaînatê yek e, rêvebirina wê yek e, îdareya wê yek e, aboriya wê yek e, ew rehmeta ku diçe bi hawara feqîran ve yek e û ew barana ku şerbeta wê rehmetê ye yek e. Yek, yek, yek, bi hezar hezaran yek...  Ji aliyê din ve roja ku weke sobeya kaînatê ye yek e, hîva ku lambeya wê ye yek e, agirê ku nanpêjê wê ye yek e, çiyayê ku depoya lezimiyên ye û stûneke xezînedar e yek e, yê ku av dide yek e, ew singerê ku baxan av dide yek e û hwd... Yek, yek, yek, bi hezar hezaran yek...

(Şualar: 36)

***

 

   Ha ev yekîtiyên han delîl û belgeyên pir eşkere ne ku wî Wahidê Ehed, yekê bi tenê nîşan didin. Hem jî madem her yek ji unsur û cûreyên kaînatê yek in, bi hev re rûyê erdê dorpêç dikin, dikevin nava hev, li hev tên, hev temam dikin û bi hev ve digirin; helbet ev elamet û nîşan in ku xwedî û çêkerê wan jî yek e.

(Şualar: 36)

***

   Çêker û rêvebirê vê kaînatê, sultan û perwerdegarê vî welatî, avaker û xwediyê vê qesrê yek e, yekî bi tenê ye. Yên mîna wî tunin, heval û hogirên wî, wezîr û alîkarên wî tunin. Hevkarên wî tunin, kes nikare dijberiya wî bike. Ew ji nekarîn û kêmasiyan bêrî ye, dûr e. Belê, ev întîzam û rêkûpêkbûna han yekîtî û

Hata Bildirim Formu
Sayfalar
123456789101112131415161718192021222324252627282930313233343536373839404142434445464748495051525354555657585960616263646566676869707172737475767778798081828384858687888990919293949596979899100101102103104105106107108109110111112113114115116117118119120121122123124125126127128129130131132133134135136137138139140141142143144145146147148149150151152153154155156157158159160161162163164165166167168169170171172173174175176177178179180181182183184185186187188189190191192193194195196197198199200201202203204205206207208209210211212213214215216217218219220221222223224225226227228229230231232233234235236237238239240241242243244245246247248249250251252253254255256257258259260261262263264265266267268269270271272273274275276277278279280281282283284285286287288289290291292293294295296297298299300301302303304305306307308309310311312313314315316317318319320321322323324325326327328329330331332333334335336337338339340341342343344345346347348349350351352353354355356357358359360361362363364365366367368369370371372373374375376377378379380381382383384385386387388389390391392393394395396397398399400401402403404405406407408409410411412413414415416417418419420421422423424425426427428429430431432433434435436437438439440441442443444445446447448449450451452453454455456457458459460461462463464465466467468469470471472473474475476477478479480481482483484485486487488489490491492493494495496497498499500501502503504505506507508509510511512513514515516517518519520521522523524525526527528529530531532533534535536537538539540541542543544545546547548549550551552553554555556557558559560561562563564565566567568569570571572573574575576577578579580581582
Fihrist
Lügat