Kurdekî nexwenda û bi serê xwe, yanî yekî azad ku tirkî baş nizane, dikare evqasî xwe îfade bike û wesselam...

(İçtimaî Dersler, İki Mekteb-i Musibetin Şehadetnamesi: 185)

***

   Hem jî ji ber ku gotin weke xwediyê xwe ye, karaktera hestên yê ku diaxive tîne bîra mirov. Dema ku tê xwendin jî, koka mirovan, -weke Kurdbûna yekî mîna min- eşkere û şênber dike. Di zêhna mirov de jî rismê manewiyatê rast neqiş dike.

(İçtimaî Dersler, Makalaler: 529)

***

   Ez bi dîn ve, bi çand û îrfana dînî ve, bi aliman û bi şagirtiyê ve, bi Osmanîtî û xelîfetiyê ve, û bi Yekîtiya Muhemmedî û Kurdîtiyê ve girêdayî me. Ez weke daîreyên hevbirr yên ku ji van sifetan çêdibin, cihê hevdîtina civatê, civana wan im. Ji ber ku her azayekî van grûban yê ku di fitreta wî de qabiliyetên muhtacê hişyarkirin û rênîşandanê hene û ji ber ku meyla pêşveçûnê jî hişyarker û rêvebirê xebata wan qabiliyetan e û ji bo ku ew xala girîng hişyar bibe û meyla pêşveçûnê aktîf bibe, ji her grûbê re fikrekî min yê taybetî heye.

(İçtimaî Dersler, Makaleler: 537)

***

   Hemd ji Xwedê re be û ev ne pesindan e jî. ^(Haşiye)  Tirs, temahkarî, û nesl û nijadên ku unsurên xerez û kînê ne û îxlasê dikujin, min nas nakin, ez jî wan nas nakim, yan jî naxwazim wan nas bikim. Lewra nesebeke min ya navdar tune ku ez ji bo parastina maziyê wê bixebitim.

(İçtimaî Dersler, Munazerat: 146)

***