Kitaplar
Rêbera Xizmetê

   Lê li alema mirovan mertebeyên pêşveçûn û paşveçûnê bêhedd û bêhesab in. Ji Nemrûd û Fir‘ewnan bigire heta bi weliyên sadiq û pêxemeran, mesafeyeke pir dirêj di navbera wan de heye. Ji bo ku rûhên mîna komirê bêqîmet û yên mîna elmas bala û giranbiha ji hev kufş bibin û cuda bibin, şeytan hatine afirandin, berpirsyarî hatiye dayin û pêxember hatine şandin. Bi vî awayî  meydaneke îmtihanê, tecrube, cîhad û pêşbaziyê hatiye vekirin. Heger ked, xebat û pêşbazî tunebûna, ew qabiliyetên mîna komir û elmas yê di însan de eynî mabûna. Yê ew rûhê Ebû Bekirê Siddîq ku li E‘layê ‘Illiyyîn [li bihiştê cihê herî jor] e û yê Ebû Cehilê ku li Esfelussafilînê [li dojehê cihê herî kûr û dijwar] ye, yê di eynî sewiyeyê de mabûna. Naxwe ji ber ku encameke giştî û umûmî dide, afirandina şeytan û şer ne tiştekî nerind e. Ew xirabî û şerên ku ji bikaranîna ne di cihê wê de û bi niyetên xirab tên kirin, encamên kirinên xirab yên mirovan in, ne encama çêkirina Xwedê ne.

(Mektubat: 60-61)

***

   Pirs: Afirandina şeytanên ku bi temamî şer in û muselletî ser ehlê îmanê dibin û dibin sebeb ku gelek kes dikevin kufrê û diçin dojehê, pir dijwar û xirab xweya dike. Gelo ew rehmet û cemala wî Xwedayê Cemîl [Xweşik, rind], Rehîm û Rehmanê mutleq çawa ji vê nerindiya bêsînor û çêbûna musîbetên mudhîş re musaade dike, çawa wê caiz dibîne? Ev mijar hatiye bîra gelek kesan û gelekan jî pirsîne.

   Bersiv: Di hebûna şeytan de digel hinek şerên piçûk, gelek niyetên xêrê jî hene, îmkanên xwepêşvebirinê hene. Belê, bê ka çend mertebe hene heta ku sîsikek bibe dareke mezin; ewqas di wan qabiliyetên mahiyeta însan de jî, heta ji wê jî pirtir mertebe û pêvajo hene. Hetta, mîna ji zerreyekê heta bi rojê derceyên wê hene. Ji bo ev qabiliyet, derkeve holê helbet hereket lazim e, danûstandin divê. Hereketên wê zembereka pêşveçûnê jî bi xebat û tekoşînê çêdibin. Tekoşîn jî bi hebûna şeytan û tiştên xirab dikare çêbibe. Yan na yê cihê însanan jî mîna yê ferişteyan sabit bimana. Hingê bi hezaran sinif û derece di nav mirovan de nediman. 

Hata Bildirim Formu
Sayfalar
123456789101112131415161718192021222324252627282930313233343536373839404142434445464748495051525354555657585960616263646566676869707172737475767778798081828384858687888990919293949596979899100101102103104105106107108109110111112113114115116117118119120121122123124125126127128129130131132133134135136137138139140141142143144145146147148149150151152153154155156157158159160161162163164165166167168169170171172173174175176177178179180181182183184185186187188189190191192193194195196197198199200201202203204205206207208209210211212213214215216217218219220221222223224225226227228229230231232233234235236237238239240241242243244245246247248249250251252253254255256257258259260261262263264265266267268269270271272273274275276277278279280281282283284285286287288289290291292293294295296297298299300301302303304305306307308309310311312313314315316317318319320321322323324325326327328329330331332333334335336337338339340341342343344345346347348349350351352353354355356357358359360361362363364365366367368369370371372373374375376377378379380381382383384385386387388389390391392393394395396397398399400401402403404405406407408409410411412413414415416417418419420421422423424425426427428429430431432433434435436437438439440441442443444445446447448449450451452453454455456457458459460461462463464465466467468469470471472473474475476477478479480481482483484485486487488489490491492493494495496497498499500501502503504505506507508509510511512513514515516517518519520521522523524525526527528529530531532533534535536537538539540541542543544545546547548549550551552553554555556557558559560561562563564565566567568569570571572573574575576577578579580581582
Fihrist
Lügat