Kitaplar
Rêbera Xizmetê

   Di meslekên bavane û murşidane de, hirsa xêrbidestxistinê û çavlêkirina xebata bala, gelekî bi zirar in û encamên xeter ji wan çêdibin. Delîl ji vê re ew e ku îxtîlaf û dijberî, digel ewqas kemalatên mezin û menfaetên girîng jî di nav ehlê terîqetê de encameke xeter çêdikin. Ew hêza wan ya mezin û pîroz li hember bayê bid‘eyan nikare bisekine.

(Lem’alar: 241-242)

***

   Cerbeze

   Sebebê îxtîlafê, cerbeze ye ku ew jî hakimeke zalim e. Cerbezeya ku xwe disipêre rexnelêgirtin û bedbîniyê daîmî zalim e.

   Pirs: Ew pirskerê nezan careke din dipirse: Cerbeze çi ye?

   Bersiv: Ku mirov di karên mezin û ji hev cuda de tenê kêmasiyan bibîne, ev cerbeze ye. Mirov dixape û dixapîne. Taybetmendiya cerbezeyê ew e ku ji xirabiyekê şax û guliyan çêdike û wan serdestî çêyiyan dike.

   Mesela eger mirov belxema ku eşîrek di rojê de diavêje, bi cerbezeyê tayy-i mekan bike, wê belxemê hemiyî bike stûyê yekî ji wê eşîrê, bi wî çavî lê binêre û kesên din wisa bi wî re muqayese bike...

   Yan jî mirov, bêhna ku salekê ji yekî tê, bi cerbezeyê tayy-i zeman bike û mîna ku ewqas bêhn di deqîqeyekê de jê tê bifikire...

   Êdî hingê gelo ew mirovê pêşîn çiqasî çepel û yê duduyan jî çiqasî bînpêketî ye... Hetta, eger xeyal çavê xwe bigire, wehm jî pozê bigire û herdu jî ji cihên xwe birevin, yê heqê aqil tunebe ku loman li wan bike û bi wan re bixeyide.

   Ha ev tewra ecêb ya cerbezeyê tiştên ku di zeman û mekanên cihê de qewimîne, dicivîne; dixe cihekî, dike demekê. Bi wê perdeya tarî li her tiştî dinêre.

   Bi rastî jî cerbeze bi hemî cûreyên xwe makîneya tiştên ecêb e. Ma  xweya nake ku di çavê evîndarekî bi cerbeze de, di kaînatê de her tişt bi evîndarî di hemêza hev de ye, direqise û dikene. Yan jî di çavê dêyeke xemgîn de ku zaroka wê miriye, bi tesîra bêhêvîbûna cerbezeyê, kaînat hemî di şînê de ye, digirî. Herkes berê/fêkiyê ku dixwaze, yê ku layiqê halê wî ye diqurêfe.

(İçtimaî Dersler, Tulûat: 316-317)

***

Hata Bildirim Formu
Sayfalar
123456789101112131415161718192021222324252627282930313233343536373839404142434445464748495051525354555657585960616263646566676869707172737475767778798081828384858687888990919293949596979899100101102103104105106107108109110111112113114115116117118119120121122123124125126127128129130131132133134135136137138139140141142143144145146147148149150151152153154155156157158159160161162163164165166167168169170171172173174175176177178179180181182183184185186187188189190191192193194195196197198199200201202203204205206207208209210211212213214215216217218219220221222223224225226227228229230231232233234235236237238239240241242243244245246247248249250251252253254255256257258259260261262263264265266267268269270271272273274275276277278279280281282283284285286287288289290291292293294295296297298299300301302303304305306307308309310311312313314315316317318319320321322323324325326327328329330331332333334335336337338339340341342343344345346347348349350351352353354355356357358359360361362363364365366367368369370371372373374375376377378379380381382383384385386387388389390391392393394395396397398399400401402403404405406407408409410411412413414415416417418419420421422423424425426427428429430431432433434435436437438439440441442443444445446447448449450451452453454455456457458459460461462463464465466467468469470471472473474475476477478479480481482483484485486487488489490491492493494495496497498499500501502503504505506507508509510511512513514515516517518519520521522523524525526527528529530531532533534535536537538539540541542543544545546547548549550551552553554555556557558559560561562563564565566567568569570571572573574575576577578579580581582
Fihrist
Lügat