Kitaplar
Rêbera Xizmetê

   yerke Balkêş: Wextekê Îmamê Elî (r.e.) kafirek avêtiye erdê. Tam dema ku şûrê xwe kişandiye û xwestiye serê wî jê bike, yê kafir tifî rûyê wî kiriye. Wî jî dev ji kafir berdaye, serê wî jê nekiriye. Yê kafir jê re gotiye, “Çima te ez nekuştim?” Îmamê Elî jê re gotiye: “Minê ji bo Xwedê tu bikuşta, lê te tifî min kir, ez hêrs bûm. Ji ber ku hestên nefsa min jî tevlîbûn, îxlasa min xira bû. Ji ber vê min tu nekuştî.” Yê kafir jê re gotiye: “Armanca min ew bû te hêrs bikim da ku tu zû serê min jê bikî. Madem dînê we evqas pak û safî ye, naxwe ew dîn heq e.”

   yereke din ya Balkêş: Amirekî adil dîtiye ku hakimek dema ku destê dizekî jê dike, bi hêrs jê dike. Li ser vê yekê wî amirî ew hakim ji wezîfê avêtiye. Lewra eger wî bi navê şerîetê û li ser hesabê qanûna îlahî jê bikira, yê dilê wî pê şewitîbûna. Yê dilê wî hêrs nebûba, lê rehmet jî lê nedikir. Naxwe ji ber ku hakim pareke nefsa xwe jî kiriye wî karî, bi edaletê hukim nekiriye.

(Mektubat: 361-363)

***

   Di vê esra niha ya bi firtone de, ji ber xwebînî û ezîtiya ku ji şaristaniya xeddar çêdibin, ji ber zordestiya leşkerî ya ku ji rehperestiyê û ji Şerê Giştî yê Cîhanê derdikeve û ji ber bêmerhemetiya ku ji jirêketinê çêdibe, zilmeke dijwar çêbûye û belav bûye.

   Di vê rewşê de eger ehlê heqiyê mafê xwe bi hêza maddî biparêzin, yê bi zilmeke mezin û bi hênceta terefgirtinê mala gelek belengazan bişewitînin. Hingê ewê jî bibin ji mirovên herî zalim û dawiyê jî mexlûb bibin. Lewra mirovên ku bi hesta navderbasbûyî tevdigerin û êrîş dikin, ji ber şaşiya mirovekî-duduyan, bîst-sî mirovî bi hêncetên pûç perîşan dikin. Eger ehlê heq di rêya heq û edaletê de tenê li yê sûcdar bixin, hingê li hember telefbûna sî mirovan tenê yekî dikujin û dikevin halê mexlûbiyetê. Eger li gorî qaîdeyê zalimane “weke wan bersivê bidin”, ango ehlê heqiyê jî ji ber sûcê yekî-duduyan bîst-sî mirovên belengaz perîşan bikin, hingê ew li ser navê heqiyê neheqiyeke mezin dikin.

(Şualar: 356)

***

Hata Bildirim Formu
Sayfalar
123456789101112131415161718192021222324252627282930313233343536373839404142434445464748495051525354555657585960616263646566676869707172737475767778798081828384858687888990919293949596979899100101102103104105106107108109110111112113114115116117118119120121122123124125126127128129130131132133134135136137138139140141142143144145146147148149150151152153154155156157158159160161162163164165166167168169170171172173174175176177178179180181182183184185186187188189190191192193194195196197198199200201202203204205206207208209210211212213214215216217218219220221222223224225226227228229230231232233234235236237238239240241242243244245246247248249250251252253254255256257258259260261262263264265266267268269270271272273274275276277278279280281282283284285286287288289290291292293294295296297298299300301302303304305306307308309310311312313314315316317318319320321322323324325326327328329330331332333334335336337338339340341342343344345346347348349350351352353354355356357358359360361362363364365366367368369370371372373374375376377378379380381382383384385386387388389390391392393394395396397398399400401402403404405406407408409410411412413414415416417418419420421422423424425426427428429430431432433434435436437438439440441442443444445446447448449450451452453454455456457458459460461462463464465466467468469470471472473474475476477478479480481482483484485486487488489490491492493494495496497498499500501502503504505506507508509510511512513514515516517518519520521522523524525526527528529530531532533534535536537538539540541542543544545546547548549550551552553554555556557558559560561562563564565566567568569570571572573574575576577578579580581582
Fihrist
Lügat