Kitaplar
Rêbera Xizmetê

   Çawa dema tu ji kevirekî piçûk î normal re bibêjî ku ji Kabeyê girîngtir e û ji Çiyayê Uhudê jî mezintir e, hingê tu bêexlaqiyeke nerind dikî; eynî wisa jî îmana bi qasî Kabeyê hêja, Îslamiyeta mîna Çiyayê Uhudê mezin û gelek taybetmendiyên Îslamî, hezkirin û tifaqê dixwazin. Îcar eger aqilê te hebe tu dê fêhm bikî bê çiqasî bêînsafî, bêaqilî û zilmeke mezin e ku tu hinek qusûrên mîna kevirên piçûk tercîhî îman û Îslamê bikî.

   Evqas yek; yekîtî û yekbûnê, lihevhatin û bihevkirinê, hezkirin û biratiyê dixwazin. Ew dikarin kaînatê û hemî kûreyên tê de bi zincîrên manewî bi hev ve girêbidin. Êdî eger mirov dev ji van zincîrên zexm berde û here bi tiştên mîna pevçûn û nîfaqê, kîn û dijmintiyê ku weke tevna pîrepindê bêqîmet in bigire, dijmintiya bawermendan bike, kîna wan bike dilê xwe; eger dilê te nemiribe û aqilê te mabe, tu dê fêhm bikî bê ev li hember bendê yekîtiyê çiqasî bêhurmetî ye, piçûkdîtina wesîleyên hezkirinê û neheqiya li têkiliyên biratiyê ye.

   Aliyê Sisêyan: Li gorî sirra

وَ لاَ تَزِرُ واَزِرَةُ وِزْرَ اُخْرىَ

   ku edaleta mehz, ango edaleta sirf û tam îfade dike, zilmeke bêhed mezin e ku mirov ji ber sifetekî xirab yê bawermendekî, bi kîn û dijmintiyê wan sifetên masûm yên din mehkûm bike. Bi taybetî jî eger mirov ji sifetekî xirab yê bawermendekî bixeyide û dijmintiyê şamilî ser xizmên wî bewermendî jî bike, ev zilmeke pir mezin e ku Qur’an wê bi sîxa mubalexeyê [forma ku pirbûnê îfade dike] 

اِنَّ الْاِنْساَنَ لَظَلُومٌ

   îfade dike. Îcar digel ku heqîqet, şerîet û hikmeta Îslamê te hişyar û îqaz dikin jî, çawa tu xwe mafdar dibînî û dibêjî: “Mafê min heye?”

   Di çavê heqîqetê de xirabiyên ku sebebê dijmintiyê ne, mîna şer û axê hişk û çepel in; nagihin mirovan wan qirêj nakin. 

Hata Bildirim Formu
Sayfalar
123456789101112131415161718192021222324252627282930313233343536373839404142434445464748495051525354555657585960616263646566676869707172737475767778798081828384858687888990919293949596979899100101102103104105106107108109110111112113114115116117118119120121122123124125126127128129130131132133134135136137138139140141142143144145146147148149150151152153154155156157158159160161162163164165166167168169170171172173174175176177178179180181182183184185186187188189190191192193194195196197198199200201202203204205206207208209210211212213214215216217218219220221222223224225226227228229230231232233234235236237238239240241242243244245246247248249250251252253254255256257258259260261262263264265266267268269270271272273274275276277278279280281282283284285286287288289290291292293294295296297298299300301302303304305306307308309310311312313314315316317318319320321322323324325326327328329330331332333334335336337338339340341342343344345346347348349350351352353354355356357358359360361362363364365366367368369370371372373374375376377378379380381382383384385386387388389390391392393394395396397398399400401402403404405406407408409410411412413414415416417418419420421422423424425426427428429430431432433434435436437438439440441442443444445446447448449450451452453454455456457458459460461462463464465466467468469470471472473474475476477478479480481482483484485486487488489490491492493494495496497498499500501502503504505506507508509510511512513514515516517518519520521522523524525526527528529530531532533534535536537538539540541542543544545546547548549550551552553554555556557558559560561562563564565566567568569570571572573574575576577578579580581582
Fihrist
Lügat