Kitaplar
Rêbera Xizmetê

   Berî miha bi deh salan ez hatim bajarekî mubarek. Ji ber ku zivistan bû min çavkaniyên serweta wî bajarî nedîtin. Muftiyê wir -Xwedê rehma xwe lê bike- çend caran hate cem min, got: “Xwecihên me feqîr in.” Vê gotinê kir ku dilê min bi wan şewitî û heta pênc-şeş salan jî gunehê min bi ehlê wî bajarî dihat. Piştî heşt-neh salan vê carê ez havînekê çûme wî bajarî. Min li bax û bostanên wan mêze kir, gotina muftiyê rehmetî hate bîra min. Ez şaş mam, min got: “Fesubhanellah! Mehsûlata van bax û bostanan têra wan dike û ji wan zêdetir e jî. Divê ehlê vî bajarî pir dewlemend bin.” Min bi saya bîranîneke heqîqî ku ez nexapandibûm û di têgihiştina heqîqetan de rêbera min bû, fêhm kir ku ji ber libernexistin û îsrafê bereket nemaye, loma digel ewqas çavkaniyên serwetê jî, rehmetiyê muftî digot, “Xwecihên me feqîr in.”

   Belê, çawa bi tecrûbeyê jî sabit e, bûyerên bêhed şahid in ku zekatdayin û liberxistin, di mal de sebebê bereketê ne; îsrafkirin û zekatnedayin jî sebebê rabûna bereketê ne.

(Lem’alar: 214-217)

***

   Belê, di alema jîndaran de ji çarçeveya herî fireh bigire heta mirovê bi tenê, di hemiyan de bandûra xirab ya kurrîtiyê xweya dike. Xwestina rizq bi awayekî tewekkulwarî jî tam li dijê wê ye, sebebê rihetiyê ye û li her deverê bandûra wê ya rind xweya dike. Mirov dibîne ku giya û darên bi ber/meywedar ku jîndar in, ji ber ku ne kurr û bi hirs in, li cihê xwe bi tewekkulwarî û qenaetkar sekinîne, rizqê wan baz dide, tê ber wan. Ji heywanan pirtir ber didin û wan xwedî dikin.

   Lê heçî heywan in ji ber ku bi hirs li pey rizqê xwe baz didin, hem bi gelek zehmetî, hem jî bi kêmayî rizqê xwe bi dest dixin.

   Hem jî di nav alema heywanan de çêlîkên wan bi zeîfî û zimanê xwe yê hal tewekkulê dikin, ew rizqê narîn ku heqê wan e, ji xezîneya rehmetê tê dayin. Cenewar jî bi awayekî ne meşrû, bi hirs û êrîşkarî, bi kotek û zehmetî rizqekî nexweş bi dest dixin. Ev herdu mînak nîşan didin ku hirs sebebê mehrûmiyetê; tewekkul û qenaet jî wesîleyên rehmetê ne.

Hata Bildirim Formu
Sayfalar
123456789101112131415161718192021222324252627282930313233343536373839404142434445464748495051525354555657585960616263646566676869707172737475767778798081828384858687888990919293949596979899100101102103104105106107108109110111112113114115116117118119120121122123124125126127128129130131132133134135136137138139140141142143144145146147148149150151152153154155156157158159160161162163164165166167168169170171172173174175176177178179180181182183184185186187188189190191192193194195196197198199200201202203204205206207208209210211212213214215216217218219220221222223224225226227228229230231232233234235236237238239240241242243244245246247248249250251252253254255256257258259260261262263264265266267268269270271272273274275276277278279280281282283284285286287288289290291292293294295296297298299300301302303304305306307308309310311312313314315316317318319320321322323324325326327328329330331332333334335336337338339340341342343344345346347348349350351352353354355356357358359360361362363364365366367368369370371372373374375376377378379380381382383384385386387388389390391392393394395396397398399400401402403404405406407408409410411412413414415416417418419420421422423424425426427428429430431432433434435436437438439440441442443444445446447448449450451452453454455456457458459460461462463464465466467468469470471472473474475476477478479480481482483484485486487488489490491492493494495496497498499500501502503504505506507508509510511512513514515516517518519520521522523524525526527528529530531532533534535536537538539540541542543544545546547548549550551552553554555556557558559560561562563564565566567568569570571572573574575576577578579580581582
Fihrist
Lügat