Kitaplar
Rêbera Xizmetê

   Ji bo ku mirov bi îxlaseke heqîqî ji xilasiya îmanê re xizmetê bike, divê ev herdu jî bêne terkkirin. Gelekî şukir ji Xwedê re, pir kesên ku ew îxlasa mezin bi dest xistine, hatine. Pir kes hene ku ezîtî û şan û şerefa xwe ji bo meseleyeke îmanê ya piçûk jî terk dikin. Hetta ji ber ku dijminên şagirtekî reben yê Rîsaleyên Nûr jê re bûne dost û êdî suhbeta bi wî re zêde bûye; ji aliyê rehma îlahî ve dengê wî şagirtî hatiye birîn. Hem jî kesên ku bi teqdîr lê mêze dikin û wî rast dibînin, êdî wî diêşînin. Hetta destdayina merhebayî  jî, weke şeqaman wî aciz dike.

(Emirdağ Lahikası: 479)

***

   Sebebên ku însan sewqî riyayê dikin:

   Sebebê Pêşîn: Zeîfiya îmanê ye. Kesê ku li Xwedê nafikire, ji sebeban re perestişê dike û bi durûtiyê dike ku xwe bi xelkê bide ecibandin. Heçî şagirtên Rîsaleyên Nûr in, bi dersa îmana tehqîqî û bi hêza ku ji Rîsaleyên Nûr standine, tu qîmetê nadin sebeban û evdîtiya ji xelkê re. Loma jî di evdîtiya xwe de ji xelkê re riyakariyê nakin.

   Sebebê Duduyan: Ji ber ku însan nekar û zeîf e, çavbirçîtî û timakarî wî sewq dikin ku bi riyakariyê ecibandina xelkê bi dest bixe. Lê şagirtên Rîsaleyên Nûr ji Rîsaleyan dersa liberxistin, qenaet, tewekkul û razîbûna bi qismetê xwe girtine. Bi izna Xwedê, ew dersa izzeta îmanî wê wan ji riya û melaqiya ji bo menfaeta dinyayê biparêze.

   Sebebê Sisêyan: Însan bi pirxwestina navdariyê, hezkirina meqam û bi hestên derbasbûna ji hevalê xwe riyayê dike. Eger mirov çaplûsiyê bike, xwe bi xelkê bide çêkirin, zêde qîmet bide xwe û xwe li meqamên bilind ku zêdeyî mirov in nîşan bide, ev riyakarî ye. Şagirtên Rîsaleyên Nûr “ez” bi “em”ê guherandine, yanî dev ji ezîtiyê berdane, li ser hesabê şexsê manewî yê Rîsaleyên Nûr dixebitin. Di şûna “ez”ê de dibêjin “em”. Di şûna “fena fi’ş-şeyx”* û “fena fi’r-resûl”* de -ku ev tabîrên ehlê terîqetê ne- dibêjin “fena fi’l-îxwan”. Ev jî yek ji wan wesîleyan e ku nefsa emmare* dikuje, wê ji riyakariyê xilas dike. 

Hata Bildirim Formu
Sayfalar
123456789101112131415161718192021222324252627282930313233343536373839404142434445464748495051525354555657585960616263646566676869707172737475767778798081828384858687888990919293949596979899100101102103104105106107108109110111112113114115116117118119120121122123124125126127128129130131132133134135136137138139140141142143144145146147148149150151152153154155156157158159160161162163164165166167168169170171172173174175176177178179180181182183184185186187188189190191192193194195196197198199200201202203204205206207208209210211212213214215216217218219220221222223224225226227228229230231232233234235236237238239240241242243244245246247248249250251252253254255256257258259260261262263264265266267268269270271272273274275276277278279280281282283284285286287288289290291292293294295296297298299300301302303304305306307308309310311312313314315316317318319320321322323324325326327328329330331332333334335336337338339340341342343344345346347348349350351352353354355356357358359360361362363364365366367368369370371372373374375376377378379380381382383384385386387388389390391392393394395396397398399400401402403404405406407408409410411412413414415416417418419420421422423424425426427428429430431432433434435436437438439440441442443444445446447448449450451452453454455456457458459460461462463464465466467468469470471472473474475476477478479480481482483484485486487488489490491492493494495496497498499500501502503504505506507508509510511512513514515516517518519520521522523524525526527528529530531532533534535536537538539540541542543544545546547548549550551552553554555556557558559560561562563564565566567568569570571572573574575576577578579580581582
Fihrist
Lügat