Kitaplar
Rêbera Xizmetê

   Sîrata musteqîm, îşareta bi bal edaletê ve ye ku ji cewherên mêranî, îffet û hikmetê çêdibe. Bo mînak:

   Bedena însan tûşî felaket û veguherînan tê û muhtacê pir tiştan e. Ji bo jiyana rûhê ku di wê bedenê de hatiye bicihkirin jî, sê hêz hatine çêkirin. Ew hêz jî ev in:

   Ya Pêşîn: Hêza şehewî û heywanî ya ji bo bidestxistina menfaetê ye.

   Ya Duduyan: Hêza heywanî û hêrsê, ya ji bo xweparastina ji tiştên nebaş e.

   Ya Sisêyan: Hêza eqlî û melekî ya ji bo veqetandina kar û zirar, başî û xirabiyê ye.

   Lêbelê, digel ku şerîetê ji van hêzên însan re hed û pîvan danîne jî, ji hêla fitretê ve tu hed û pîvanên van hêzan tunin.   Loma jî heryek ji wan sê mertebeyên xwe hene: Tefrît, weset û îfrat.

   Mesela, tefrîta hêza şehewî xesandin e; şehweta mirov ne ji helal re heye, ne jî ji heram re. Îfrata wê gunehkariya eşkere ye, destavêtina namûs û iffetê ye. Weseta wê jî namûs û iffet e; şehweta mirov ji helalê wî re heye, lê ji heram re tune.

   Hişya: Ev hersê mertebe [îfrat, weset û tefrît] di warên xwarin, vexwarin, razan û axaftinê de jî hene.

   Eynî bi vî rengî, mertebeya tefrîtê ya hêza hêrsê tirsonekî ye; mirov ji tiştên ku divê mirov jê netirse, ditirse. Îfrata wê mêraniya ehmeqane ye; mirov ne ji tiştên maddî, ne jî ji yên manewî ditirse. Temamê cûreyên zilm û zordestiyê fêkî û berên vê mertebeyê ne. Mertebeya weset jî mêranî ye; mirov ji bo mafê dînî û dinyayî canê xwe feda dike, lê têkilî tiştên nemeşrû nabe.

   Hişya: Di teferruatên vê hêzê de jî sê mertebe hene.

   Dîsa tefrîta hêza eq gêjîtî ye; haya mirov ji tu tiştî tune. Îfrata wê cerbeze ye; hişekî wisa bi mirov re ye ku bi xapandinê tişta batil heq, ya heq jî batil nîşan dide. Weseta wê jî hikmet e; mirov heqiyê nas dike, li pey diçe, batil jî nas dike, xwe jê dûr dike.

(İşaratu’l-İ‘caz: 32-33)

***

Hata Bildirim Formu
Sayfalar
123456789101112131415161718192021222324252627282930313233343536373839404142434445464748495051525354555657585960616263646566676869707172737475767778798081828384858687888990919293949596979899100101102103104105106107108109110111112113114115116117118119120121122123124125126127128129130131132133134135136137138139140141142143144145146147148149150151152153154155156157158159160161162163164165166167168169170171172173174175176177178179180181182183184185186187188189190191192193194195196197198199200201202203204205206207208209210211212213214215216217218219220221222223224225226227228229230231232233234235236237238239240241242243244245246247248249250251252253254255256257258259260261262263264265266267268269270271272273274275276277278279280281282283284285286287288289290291292293294295296297298299300301302303304305306307308309310311312313314315316317318319320321322323324325326327328329330331332333334335336337338339340341342343344345346347348349350351352353354355356357358359360361362363364365366367368369370371372373374375376377378379380381382383384385386387388389390391392393394395396397398399400401402403404405406407408409410411412413414415416417418419420421422423424425426427428429430431432433434435436437438439440441442443444445446447448449450451452453454455456457458459460461462463464465466467468469470471472473474475476477478479480481482483484485486487488489490491492493494495496497498499500501502503504505506507508509510511512513514515516517518519520521522523524525526527528529530531532533534535536537538539540541542543544545546547548549550551552553554555556557558559560561562563564565566567568569570571572573574575576577578579580581582
Fihrist
Lügat