Kitaplar
Rêbera Xizmetê

   Baş e, naxwe digel ku ev hem tiştekî meşrû ye û hem jî zirara wê tune, çima rûhen ez tême astengkirin? Bi saya perwerdeya wezîfeya fitrî û ilmî ji bilî rizaya Xwedê, xizmeta îmanê bi xwe ji min re weke ucret hatiye nîşandan. Lewra vî zemanî divê heqîqetên îmanê yên ji her tiştî biqîmettir bi evdîtiyeke fitrî û bi awayekî bi bandûr bigihin muhtacan. Di vî zemanê dijwar de çareya yekane ku îmanê xilas bike û qenaeteke bêguman çêbike, derseke Qur’anî ye ku ji tu tiştî re nebe alet. Divê ew dersa Qur’anî ji tu tiştî re nebe alet da ku pêşiyê li kufra mutleq û jirêketinê bigire û qenaeteke qet’î bide xelkê. Di vê heyamê de eger xelk bizanibin ku di vê rewşa han de derseke Qur’anî heye û ew ders ji tiştên şexsî, dinyayî, axretî, maddî û manewî re nebe alet, yê pê bawer bikin. Yan na eger mirovekî tenê li hember şexsê manewî yê bêdîniyê ku gelekî dijwar e û ji partîtî û casûstiyê çêdibe, derkeve, çiqas xwediyê mertebeyeke manewî ya mezin be jî, dîsa bi timamî weswese û gumanan ji holê ranake. Lewra mirovê bi rik ku dixwaze îmanê bîne yê gumanên wî hebin û nefsa wî jî yê jê re weha bibêje: “Ew mirovê pîroz bi dehaya xwe û meqamê xwe yê fewqelade me dixapîne.”

   Şukir ji Xwedê re, ev bîst û heşt sal in ji bo ez dîn ji tu tiştî re nekim alet, qedera îlahî bêyî vîna min bi destê zalimane yê mirovan şeqaman li min dixe, edaletê dike. Yanî dibêje hişyar be, qet xwe nêzîkî wê neke! Rastiyên îmanê ji bo xwe bi kar neîne da ku kesên muhtac bizanibin va ye tenê heqîqet diaxive. Bila gumanên nefsê û hîleyên şeytan nemînin.

   Bi milyonan kîtaban ew heqîqetên ku Rîsaleyên Nûr behsa wan dike bi şiklekî edebî nivîsîne û belav kirine. Bi hezaran alimên heqîqî jî dersa wan dane, lê digel vê jî li vî welatî pêşî li kufra mutleqa dijwar negirtine.

   Lê heçî Rîsaleyên Nûr e, li gorî sira ku li jorê hate gotin, dijminên wê jî tesdîq dikin ku bi şiklekî serdestî li wan kiriye. Belê, Rîsaleyên Nûr di van şert û mercên giran de li hember kufra mutleq ev xebat kiriye û ev li meydanê ye. Naxwe hêza Rîsaleyên Nûr ji vê sirra mezin tê. 

Hata Bildirim Formu
Sayfalar
123456789101112131415161718192021222324252627282930313233343536373839404142434445464748495051525354555657585960616263646566676869707172737475767778798081828384858687888990919293949596979899100101102103104105106107108109110111112113114115116117118119120121122123124125126127128129130131132133134135136137138139140141142143144145146147148149150151152153154155156157158159160161162163164165166167168169170171172173174175176177178179180181182183184185186187188189190191192193194195196197198199200201202203204205206207208209210211212213214215216217218219220221222223224225226227228229230231232233234235236237238239240241242243244245246247248249250251252253254255256257258259260261262263264265266267268269270271272273274275276277278279280281282283284285286287288289290291292293294295296297298299300301302303304305306307308309310311312313314315316317318319320321322323324325326327328329330331332333334335336337338339340341342343344345346347348349350351352353354355356357358359360361362363364365366367368369370371372373374375376377378379380381382383384385386387388389390391392393394395396397398399400401402403404405406407408409410411412413414415416417418419420421422423424425426427428429430431432433434435436437438439440441442443444445446447448449450451452453454455456457458459460461462463464465466467468469470471472473474475476477478479480481482483484485486487488489490491492493494495496497498499500501502503504505506507508509510511512513514515516517518519520521522523524525526527528529530531532533534535536537538539540541542543544545546547548549550551552553554555556557558559560561562563564565566567568569570571572573574575576577578579580581582
Fihrist
Lügat