Ezîmet, Teqwa û Amelê Salih

   Erê Rîsaleyên Nûr qala her tiştî nake, lê peywireke wê ya hessas û pir girîng heye: Ew bingehên girîng ku heta niha di nav heqîqetên girîng yên Îslamê de cih girtine û hatine diparêze. Mesela weke bingehên welîtiyê, yên teqwayê, yên ‘ezîmetê û yên sunneta pak ku esasên hessas lê pir girîng in diparêze. Parastina wan peywira Rîsaleyên Nûr ya eslî ye. Bi behaneyên zerûretê û bi fetfayên ku ji ber hinek bûyeran têne dayin ew esas nayêne terkkirin.

(Kastamonu Lahikası: 24)

***

   Kesekî ku bingehên Îslamê yên ku di rastiya wan de şik û guman tune, qebûl kirine û li pey wan diçe, bi temamî ketiye nava wê daîreyê. Qabiliyeta pêşveçûnê ya mirovekî weha jê re meyla mukemmelbûnê ye. Kesê ku bi laqeydî li derveyê wê daîreyê maye, qabiliyeta pêşveçûnê jê re dibe meyla xirabiyê. Di demên dijwar û tofan de, dev ji vekirina deriyê îctîhadê berdin, belkî girtina pencereyan jî meslehet e. Kesên laubalî bi ruxsetan nayêne mizdan û îqnakirin; mirov wan bi ‘ezîmet û şiddetê hişyar dike.

(İçtimaî Dersler, Hakikat Çekirdekleri: 224)

***

   Birayên ezîz, rast û durist,

   Ev çend roj in min duayeke xwe guherand. Min di duayên

وَفِّق

 û 

وَاغْفِرْ لَناَ

 de ku carna min sed carî jî dixwendin, peyva 

الصَّادِقيِنَ 

ji 

وَطَلَبَةَ رَساَئِلِ النُّورِ الصَّادِقِينَ

 derxist. Sebebê wê jî ev bû: Hinek birayên me yên ku ji ber zehmnetiyên şubhe û bêhêvîbûnê înkareke zahirî bi wan re çêdibe û xwe vediçinin, xwe mecbûrî amelkirina bi ruxsetê dibînin û li dijî ‘ezîmet û sedaqetê tevdigerin. Ji bo ew bira jî ji wan duayan mehrûm nemînin, min ew peyv derxist.

(Şualar: 408)

***