Tesbîhên Nimêjê

   Van rojan du meseleyên hassas hatin dil, min nekarî di dema wê de binivîsim. Piştî ku êdî ew wext derbas bû, emê îşaretî bi bal wan heqîqetên girîng ve bikin:

   Ya Pêşîn: Yekî ji birayên me di tesbîhatên nimêjê de sistîtî kir, min jî li ser vê yekê weha got:

   Tesbîhatên piştî nimêjê werdên terîqeta Muhemmedî (e.s.w.) û welîtiya Ehmedî (e.s.w.) ne. Ji vê hêlê ve girîngiya wan zehf e. Paşê rastiya vê gotinê weha diyar bû: Çawa ku welîtiya Ehmedî (e.s.w.) ya ku dibe pêxemberî raserî her celebê welîtiyê ye, eynî wisa tesbîhên piştî nimêjê jî ku werdên taybetî yên welîtiya terîqetê û welîtiya mezin in, di ser werdê terîqetên din re ne. Ev sir jî weha diyar bû:

   Çawa ku di daîreya zikir de, di civatekê de, di xitmeke Neqşî de, yan jî di mizgevtekê de, rewşeke nûranî di têkiliyên tesbîhkeran de tête hiskirin; eynî bi wî rengî mirovê dilê wî hişyar ku piştî nimêjê dibêje 

سُبْحاَنَ اللَّهِ  سُبْحاَنَ اللَّهِ

    manen his dike ku sed milyon kesên li huzûra serdarê wê daîreya zikir Zatê Ehmedî (a.s.w) jî zikir dikin. Êdî ew mirov ji dil, mezinbûn û balabûna Xwedê tê digihe û dibêje,  , 

سُبْحاَنَ اللَّهِ  سُبْحاَنَ اللَّهِ

   Dema li pey fermana manewî ya wî serzakirî diçe û dibêje

اَلْحَمْدُ لِلَّهِ   اَلْحَمْدُ لِلَّهِ

  êdî ji helqeya zikir ya xitma Ehmedî (e.s.w.) ku gelek daîreyên wê yên fireh hene, dengê sed milyon mirîdî bi hev re tê, bi hev re dibêjin:

اَلْحَمْدُ لِلَّهِ   اَلْحَمْدُ لِلَّهِ

 Êdî ew jî li ser vê yekê bi hemdekî mezin difikire, ew jî hemdê Xwedê dike û beşdarî wan dibe, dibêje: 

اَلْحَمْدُ لِلَّهِ

  ...