Kitaplar
Rêbera Xizmetê

   Qur’an kîtabeke semawî ye û mîna kîtabxaneyeke pîroz e ku ji meşrebên cihê û meslekên cuda yên welî, siddîq, arif û muheqqiqan re berhemeke raveker e, çêj û tamê dide wan meşreb û meslekan, rê û rêbazên wan ronî dike û rastiyên wan derdixe holê.

   Ji ber ku Qur’an ji erşê herî mezin, ji navê Xwedê yê herî mezin û ji mertebeya herî bilind ya navên Xwedê tê, gotina perwerdegarê hemî aleman Ellah Teala ye. Ew li ser navê Xwedayê temamê hebûnê, aferînerê erd û esman fermana Ellah Teala û kîtaba wî ye. Ji hêla perwerdegariya bê qeyd û şert ve hevaxaftinek e; li ser navê serweriya Xwedayê pak xîtabeke ezelî ye; ji aliyê rehma wî ya fireh ve deftera Rehmanî ya îltîfat û pesindanê ye. Ji hêla mezinahî û ezameta xwedatiyê ve berhema agahdarbûna ji bûyeran e ku carna di destpêka [sûretên wê] de şifre hene.

   Qur’an ew kîtaba pîroz e ku ji warê navê Xweda yê herî mezin nazilî Erşê herî mezin bûye, xîtabî hemî tiştên nava wî erşî dike û hikmetan belav dike. Ji ber vê hikmetê ye ku navê “Kelamullah” yanî “gotina Xwedê” layiqê wê hatiye dîtin û bi wî rengî jî berdewam e, hertim ew nav lê tê kirin.

   Qur’an ji kîtabên pêxemberên ji serdem û qernên cihê, ji peyamên hemî weliyên meşrebcuda û ji berhemên hemî mutteqî û alimên mezin re naverokek e. Her şeş aliyên wê ronî ne û ji tarîtiya şik û gumanê pak e. Çavkanî û cihê xwespartina wê wehya semawî ye, kelamê ezelî ye. Armanca wê kamranî û xweşiya bêdawî ye. Hundirê wê hîdayet e; jora wê roniya îmanê ye; binê wê delîl û belge ne. Aliyê wê yê rastê bi zanîneke bê şik û guman teslîmbûna dil û wijdanê ye; aliyê çepê bi awayekî eşkere fermanberkirin û berdestkirina aqil û têgihiştinê ye. Fêkî û berê Qur’anê rehmeta Rehman û bihişta Yezdan in. Ji ber vê jî ew kîtaba semawî ya babet û layiqê qebûlkirin û teqdîrkirina ferişte û cin û mirovan e.

   (İşaratu’l-İ’caz: 19)

Hata Bildirim Formu
Sayfalar
123456789101112131415161718192021222324252627282930313233343536373839404142434445464748495051525354555657585960616263646566676869707172737475767778798081828384858687888990919293949596979899100101102103104105106107108109110111112113114115116117118119120121122123124125126127128129130131132133134135136137138139140141142143144145146147148149150151152153154155156157158159160161162163164165166167168169170171172173174175176177178179180181182183184185186187188189190191192193194195196197198199200201202203204205206207208209210211212213214215216217218219220221222223224225226227228229230231232233234235236237238239240241242243244245246247248249250251252253254255256257258259260261262263264265266267268269270271272273274275276277278279280281282283284285286287288289290291292293294295296297298299300301302303304305306307308309310311312313314315316317318319320321322323324325326327328329330331332333334335336337338339340341342343344345346347348349350351352353354355356357358359360361362363364365366367368369370371372373374375376377378379380381382383384385386387388389390391392393394395396397398399400401402403404405406407408409410411412413414415416417418419420421422423424425426427428429430431432433434435436437438439440441442443444445446447448449450451452453454455456457458459460461462463464465466467468469470471472473474475476477478479480481482483484485486487488489490491492493494495496497498499500501502503504505506507508509510511512513514515516517518519520521522523524525526527528529530531532533534535536537538539540541542543544545546547548549550551552553554555556557558559560561562563564565566567568569570571572573574575576577578579580581582
Fihrist
Lügat