Kitaplar
Rêbera Xizmetê

   Ji ber ku min li hember fir‘ewnokên zeman rûmeta ilmê parastiye, wî mirovê nenas zenn kiriye ku qaşo ev ezîtî ye û min xwe mezin kiriye. Ji ber ku min husn-u zenna şagirtên Rîsaleyên Nûr ya derbarê min de, bi temamî red nekiriye û dilê wan nehiştiye, wî ev jî weke ezîtiyê dîtiye. Bi niyeta ku şagirt tam bawer bikin û qenaeta wan ji bo şîroveyên min yên derbarê rastiyên îmanê de çêbibe, ez mecbûr bûm ku hinekî ji hezar elamet û îşaretên ehlê welayetê û hinek ayetên Qur’anê ji birayên xwe yên semîmî re nîşan bidim.

   Dîsa wî kesê nenas ev jî weke cûreyekî xwebîniyê hesab kiriye.

   Belê, di vî zemanî de kesên ku ezîtiya wan bûye weke Fir‘ewn, li ser navê bêdîniyê êrîşî îmanê û Rîsaleyên Nûr dikin. Dema em di berxwedana xwe de, li dijî wan nefspiçûkiyê nîşan bidin ev cînayeteke mezin e, xiyanet e. Ew nefspiçûkî dikeve hukmê zilletê û dibe exlaqekî rezîl. Ma êdî nîşandana hêzeke manewî û berxwedaneke bi qehremanî ku rûmeta dinyayê û şerefa ilmê diparêze gelo bi çi awayî dibe xwebînî? Ma qet dibe şuhretperestî û ezîtî ku ew zat wilo zenn dike?

(Emirdağ Lahikası: 415)

   ***

   Sê taybetmendiyên îmana ku mirov di dema musîbet û îhtiyacê de xwe disipêriyê û hawara xwe digihîniyê hene.

   Ya Pêşîn: Rûmeta kesayetiyê ye ku ji xala xwesipartinê çêdibe. Kesê ku rûmeta kesayetiya wî hebe, li xwe nanihe ku xwe ji xelkê re kêm bike.

   Ya Duduyan: Şefqet e. Kesê ku şefqeta wî hebe, tu kesî piçûk nabîne û wî kêm nabîne.

   Ya Sisêyan: Qîmetgirtina rastiyan e ku mirov qîmeta tiştên bala bizanibe û wan piçûk nebîne.

   Eynî bi vî awayî nîfaqa ku dijê îmanê ye jî, sê taybetmendiyên xwe hene:

   Ya Pêşîn: Zillet e, sertewandin e.

   Ya Duduyan: Meyla xirabiyê ye.

Hata Bildirim Formu
Sayfalar
123456789101112131415161718192021222324252627282930313233343536373839404142434445464748495051525354555657585960616263646566676869707172737475767778798081828384858687888990919293949596979899100101102103104105106107108109110111112113114115116117118119120121122123124125126127128129130131132133134135136137138139140141142143144145146147148149150151152153154155156157158159160161162163164165166167168169170171172173174175176177178179180181182183184185186187188189190191192193194195196197198199200201202203204205206207208209210211212213214215216217218219220221222223224225226227228229230231232233234235236237238239240241242243244245246247248249250251252253254255256257258259260261262263264265266267268269270271272273274275276277278279280281282283284285286287288289290291292293294295296297298299300301302303304305306307308309310311312313314315316317318319320321322323324325326327328329330331332333334335336337338339340341342343344345346347348349350351352353354355356357358359360361362363364365366367368369370371372373374375376377378379380381382383384385386387388389390391392393394395396397398399400401402403404405406407408409410411412413414415416417418419420421422423424425426427428429430431432433434435436437438439440441442443444445446447448449450451452453454455456457458459460461462463464465466467468469470471472473474475476477478479480481482483484485486487488489490491492493494495496497498499500501502503504505506507508509510511512513514515516517518519520521522523524525526527528529530531532533534535536537538539540541542543544545546547548549550551552553554555556557558559560561562563564565566567568569570571572573574575576577578579580581582
Fihrist
Lügat