Kitaplar
Rêbera Xizmetê

   “Em bibêjin eger qet nelazim be jî, bêtirê pêxemberan ji Asyayê, ji Rojhilat derketine, bêtirê fîlozofan jî ji Rojava ne. Tiştên ku Asyayê bi pêş ve bibin, ji bandûra zanist û felsefê pirtir hestên dînî ne. Êdî eger hûn vê rastiya xwezayî li ber çavan negirin û bi navê rojavayîbûnê dev ji orf û adetên Îslamî berdin û bingeheke bêdîn deynin jî, ji ber ku bajarên rojhilat di navenda çar-pênc milletên mezin de ne, ji we re gelekî lazim û pêdivî ye ku hûn ji bo selametiya millet û welat terefdarê dîn û rastiyên Îslamî bin. Ezê ji hezar mînakan tenê mînakeke piçûk bibêjim:

   Dema ez li Wanê bûm, min ji şagirtekî xwe yê Kurd û jêhatî re got: ‘Tirkan ji Îslamiyetê re gelekî xizmet kirine. Tu bi çi çavî li wan dinêrî?’ Got: ‘Ez mislimanekî Tirk tercîhî birayekî xwe yê fasiq dikim. Belkî ji bavê xwe jî pirtir giringiyê didimê, lewra ew ji îmanê re xizmetê dikin.’ Di ser vê axaftinê re demek derbas bû. Wexta ku ez esîr ketibûm, ew şagirtê min jî -rehma Xwedê lê be- li Stenbolê çûye mektebê. Piştî ku ez ji esîrtiya li Rûsyayê vegeriyam, min dîsa ew dît. Ji ber hinek mamosteyên nijadperest reaksîyonek pê re çêbûbû û ew jî bi rûhê Kurdîtiyê ketibû rêyeke din. Ji min re got: ‘Niha ez Kurdekî gelekî fasiq, hetta ku bêdîn jî be tercîhî Tirkekî salih dikim.’ Paşê bi çend suhbetan min ew ji wê rewşê xilas kir; êdî qenaeta wî rûnişt ku Tirk leşkerekî qehreman yê vî gelê Misliman in.

   Êdî ey mebûsên ku pirsan dikin! Li Rojhilat nêzîkî pênc milyonî Kurd hene. Nêzîkî sed milyonî Îranî û Hindî hene. Heftê milyon Ereb hene, çil milyon Kafkas hene. Ma êdî gelo ji wan kesên ku birayên hev in û muhtacî hev in re, ew dersa dînî ku vî şagirtî li medreseya Wanê standiye pirtir lazim e, yan tenê xwendina felsefeya ku van milletan ji hev dûr dike? Ew felsefeya ku tenê li nijadê xwe difikire, biratiya Îslamî û zanistên Îslamî nas nake... Ez ji we dipirsim: Ma qey rewşa wî şagirtê rehmetî ya duduyan baştir e?”

   Piştî vê axaftina min, kesên ku li dijî orf û adetan bûn û bi her awayî fikrê rojavayîbûnê jî bi wan re bû, îmze kirin. Ez navê wan nabêjim, Xwedê qusûrên wan efû bike, niha rehmet kirine.

(Emirdağ Lahikası: 449-451)

***

Hata Bildirim Formu
Sayfalar
123456789101112131415161718192021222324252627282930313233343536373839404142434445464748495051525354555657585960616263646566676869707172737475767778798081828384858687888990919293949596979899100101102103104105106107108109110111112113114115116117118119120121122123124125126127128129130131132133134135136137138139140141142143144145146147148149150151152153154155156157158159160161162163164165166167168169170171172173174175176177178179180181182183184185186187188189190191192193194195196197198199200201202203204205206207208209210211212213214215216217218219220221222223224225226227228229230231232233234235236237238239240241242243244245246247248249250251252253254255256257258259260261262263264265266267268269270271272273274275276277278279280281282283284285286287288289290291292293294295296297298299300301302303304305306307308309310311312313314315316317318319320321322323324325326327328329330331332333334335336337338339340341342343344345346347348349350351352353354355356357358359360361362363364365366367368369370371372373374375376377378379380381382383384385386387388389390391392393394395396397398399400401402403404405406407408409410411412413414415416417418419420421422423424425426427428429430431432433434435436437438439440441442443444445446447448449450451452453454455456457458459460461462463464465466467468469470471472473474475476477478479480481482483484485486487488489490491492493494495496497498499500501502503504505506507508509510511512513514515516517518519520521522523524525526527528529530531532533534535536537538539540541542543544545546547548549550551552553554555556557558559560561562563564565566567568569570571572573574575576577578579580581582
Fihrist
Lügat