B- Ji nûrê zerar nayê; heke zerar bê, ji şevşevokan/baçermokan û ji tiştên mirdar/genî re tê. Bi temamê qeweta xwe ji we re dibêjim ku netenê ji Kurdistanê re, belkî bi awayekî ku dengê xwe bigihînim temamê alemê, bi qêrînî mizgîn didim ku fecra sadiq a seadeta temamê Îslamê,nexasim a Osmaniyan, bi taybetî ya Kurdan, hatiye hetta di serê Başid de derketiye dibînim.

رَغْمًا عَلَى أَنْفِ أَبِي الْعَلَءِ الْمَعَرِّي

   Em ferz bikin heke nîvê milletê vê dewletê, di bergîdana wê de bihatadayin, dîsan erzan e û heke bi zulmetê re bişewitiya ne giran e.

   P- Me ne wisan bihîst.

   B- Hevalê şeytên zaf in.

   P- Nexwe guman û pirsên ku tên hişê me, çareser bike.

   B- Helbet, bêyî ku muşterî/kirox hebe û hetta neyê xwestin, malê xwe nadim.

   P- Îstîbdad çi ye? Meşrûtiyet çi ye? Yekî din: Ermen, bûn axa; em,man sefîl. Yekî din: Gelo ji dînê me re, zerar tune? Yekî din: Jon Tirk wiha ne, wisan e, dê me jî bikin zerardîde! Yekî din: Ne-Muslîm, ka dê bi çi awayî bibin esker? Îla axir…

   B- Yahû, ez dê bi kîjan awayî bersiv bidim van pirsên we yên ku mîna we bi qelebalix û tevlihev in?

   P- Ê ka tu bibêje em bi çi awayî bipirsin.

   B- Li gor qanûn û ûsûla Meşrûtiyetê, pirsên xwe bikin. Ango merivek du merivên jîr ji nav xwe hilbijêrin da ku ew wekîliya we bikin,bila ew bibin kirox û pirsan bikin; hûn jî bi wan re guhdarî bikin. Wanjî got: “Baş e, baş e.”

   P- Îstîbdad çi ye; Meşrûtiyet çi ye?

   B- Îstîbdad tehekkum û zilimkarî ye; muameleya keyfî ye, cebra bi piştevaniya qewetê ye; biryara ferdî ye, ji îstîmalên nebaş re têra xwe zemîneke musaîd e; bingeha zulmê ye, mehûkarê însaniyetê ye.Îstîbdad e ku însanan gêndir dike esfelê safîlîn ê newalên sefaletê;îstîbdad e ku alema Îslamiyetê, hêla dike zillet û sefaletê û dijminatî û xerezan hişyar dike û Îslamiyetê bi jehrê dixe, hetta yê ku sirayetî hertiştî dibe û jehra xwe dixê, ew çend lihevnekirinan di navbera Îslamê