“Min bi hûrbînî li temamê kitêbên semawî nihêrt. Ji ber ku hatibûn guhertin û xerakirin, min ew hîkmeta heqîqî ya ku ez ji bo seadeta merivahiyêl ê digeriyam, nedît; lê belê min dît ku Qurana Muhemmed (e.s.w.) raserî temamê kitêban e. Min di her kelîmeyeke wê de hîkmetek dît. Berhemeke mîna vê ku ji seadeta merivahiyê re xizmet bike tuneye. Berhemeke wiha, nabe ku gotina beşer be. Yên dibêjin ku ev gotin, gotina Muhemmed (e.s.w.) e, dikevin dereceya înkarkirinê û zarûreta ilmî înkar dikin, ango xweş eşkere û xuya ye ku Quran, kelamê Xwedê ye.”

Va ye li ser ku ew zeviyên zekayê yên Emerîka û Ewrûpayê, ev muheqqîqên/lêkolerên mîna Mister Karlayl û Bismark wiha dahî mexsûlat dane, ez jî bi temamê qenaeta xwe dibêjim ku:

   Ewrûpa û Emerîka, bi Îslamiyetê hemîle ne; rojekê dê dewleteke Îslamî ji wan biwelide. Çawan ku Osmanî bi Ewrûpayê hemîle bû û dewleteke Ewrûpî jê welidî.

   Gelî birayên min ên li Camiya Emewî û ew îxwanên min ên ku piştî nîv sedsalî li Camiya ‘alema Îslamê ne! Ew muqeddîmeyên ku ji serî heta vê derê hatin, qey encamê nadin heta yê ku di parzemînên îstiqbalê de dê bibe hâkimê heqîqî û me’newî û dê merivahiyê sewqî seadeta dunyayî û axretî bike, tenê Îslamiyet e û dînê heqîqî yê Îsewiyan e ku wergeriyaye Îslamiyetê û dê ji xurafe û texrîfatan xwe daweşîne ku waye dibe tabi’ê Quranê û pê re îttîfaqê dike.

   Hêla Duduyan: Ango ji aliyê maddî ve, sebebên biqewet ên pêşveçûnên Îslamiyetê, nîşan didin ku Îslamiyet, dê ji aliyê maddî ve jî li îstîqbalê hukum bike. Çawan ku hêla yekem ji aliyê me’newiyat û pêşveçûnê ve îsbat dike, ev Hêla Duyem jî, pêşveçûna wê ya maddî û hakimiyeta wê ya li îstîqbalê, bi awayekî qewî nîşan dide. Çimkî di dilê şexsê me’newî yê ‘alema Îslamê de, Pênc Qewetên têra xwe qewî ku naşikên, bi hev re hatine cem hev û wan hev girtiye û bi cî bûne.

   Ya Yekê: Heqîqeta Îslamê ye ku seydayê temamê kemilînan e ^(Haşiye)