Ya pêncan: Îstîbdada ku mîna nexweşînên cûre bi cûre yên mînasarî/şofî belav dikin.

   Ya şeşan: Bi menfaeta şexsî ve girêdana himmetê.

   Dermanê van şeş nexweşînên bidehşet jî, bi şeş kelîmeyên ku min ew ji eczaxaneya Quranê ders girtiye, mîna hukmê faqulteyeke tibbê, ji jiyana me ya civakî re beyan dikim. Ez wan weke asasên tedawiyê, dizanim.

   KELÎMEYA YEKÊ: “El emel.” Ango meriv bi awayekî qewî, hêviya xwe bide ser Rehmeta Îlahî. Belê ez li ser hesabê dersa xwe ya ku mingirtiye dibêjim: Gelî cemaeta Îslamê! Mizgîn didim ku niha, nîşanên fecra sadiq a seadeta dunyayî ya alema Îslama niha û nexasim seadeta Osmanî, nemaze seadeta Ereban a ku pêşveçûna Îslamê bi hişyarbûna wan e, dest bi înkîşafê dikin. Hilata tava seadetê jî nêz bûye. Berevajiyê pozbilindiya yeisê, ^(Haşiye)  bi awayekî ku ez, dengê xwe bigihînime dunyayê, bi qenaeta xwe ya qet’î dibêjim:

   Îstiqbal, tenê û tenê, wê bibe ya Îslamiyetê. Heqîqetên Quran û îmanê dê bibin serdest. Nexwe divê em qîma xwe bi qedera Îlahî ya niha û bi qismetê xwe bînin ku îca ji me re îstiqbaleke ronak; ji biyaniyan re rabirdûyeke tevlihev ketiye. Min ji vê doza xwe re, ji gelek burhanan/delîlan ders girtiye. Niha ez dê ji wan burhanan burhanek û nîvê piçûk ê bidestpêk zikir bikim. Em dest bi teqdîmkirina wê burhanê dikin:

   Va ye, hem ji aliyê me’newî hem ji aliyê maddî ve, ji heqîqetên Îslamiyetê re, qabiliyeteke kemilî ku tereqqî pê çêdibe heye.

   Aliyê wê yê pêşî yê tereqqiya manewî:

   Bizanibin! Tarîxa ku bûyerên heqîqî qeyd dike, ji heqîqetê re şahida herî rast e. Va ye tarîx nîşanî me dide. Hetta Serfermandarê Japon ku Rûsan mexlûb dike, şahidiya wî ya ser heqqaniyet û rasteqîniya  Îslamiyetê jî ev e:

   Dîrok nîşan dide ku li gor nisbeta qeweta heqîqeta Îslamê, Misilmanan,çi qas li gor dereceya wê qewetê hereket kiriye, ehlê Îslamê ew qas medenî bûye û tereqqî kiriye. Ehlê Îslamê, çi qas di heqîqeta Îslamê deqelsî/lawazî kiriye, ew qas hov mane; kêm ketine, di nav geremolê de