Gelî giregir û rîsipiyan! Me bi çi awayî ji we re xizmet kir, hûn jî bi wî awayî ji me re xizmet bikin. An na!.. Gelî ehlê hukûmata ku bi çavê wî/wê zaroka/ê ku muhtacî alîkaran e li me dinihêrin! Em bi çi awayî ji we re îtaetê dikin, hûn jî seadeta me temîn bikin û illa!.. Gelî Îttîhad û Teraqqiya kevn a ku wezîfeya komeleya millî ya Kurd bilîstîhqaq hildaye ser milê xwe! We baş kir, mezc kir! Heke hûn baş bikin, baş e... û îlla

فَرُدُّوا الَْمَانَاتِ إِلَى أَهْلِهَا

^(Hişyarî)  

   P- Li aliman pir zêde îtab tê kirin, hetta...

   B- Bêînsafiyeke mezin, hetta gelek mezin e!

   P- Çima?

   B- Mîna ye wê ehmeqiya ku meriv qebhetê tunetiyê li heyinê bike.

   P- Ev çi ye?

   B- Gava zatekî ku xwedî ilm be û ji ber ku ne helîm e, meriv rabe ji ber vî qebhetê wî yê ku ji ber nehelîmiya wî dertê, bibêje ku ew ne alim e, çi qas ehmeqî be, wisan jî van alimên bêçare ku qudsîtiya Îslamê tim û daîm telqîn dikin û hukmên dînî li gor qewet û îqtîdarên xwe teblîx dikin û ev alimên ku a niha di nav milletê Îslamê de herî zêde musteheqî hurmet û muhebbetê ne, meriv, ji ber wî qebhet û gunehê ku ji ber tunebûna wan alimên ku li gor hoy û mercên vî esrî dertê, wan aliman mehkûm bike û vî gunehî li wan bêçareyan bar bike, ehmeqî nîn e ka çi ye gelo?

   Belê, ji hebûna wan aliman zerar nehatiye; zerar, ji ber tunebûna wan alimên ku em dixwazin hatiye. Ji ber ku pirê zarokên zîrek çûn dibistanê. Zengînan, tenezzulî hatina medreseyê nekir. Medrese jî, ji ber ku bê întîzam û bê feyz û bê dîplomayeke/îcazeteke fermî ma, wê nekarî li gor şert û mercên demê aliman bigihîne. Nebî nebî ku hûnneyartiyê bi aliman re bikin! Neyartiya bi aliman re xetereyeke pir mezin e. ^(Haşiye)  

   P- Kesên ku xwedî niyeta xalis in, hindik in. Heke niyeta te xalis be, tu dê miweffeq bibî. Tu li niyeta xwe binihêre!