P- Di vê mezcê/kelijandinê de çi hîkmet heye ku tu ew çend alîgir î û tim û daîm dibêjî?

   B- Ji sefseteya ku ji ber çar qiyasên fasid ^(Haşiye)  hasil bûye, xelaskirina muhekemeya zihnê û îzalekirina xeletiyên ku melekeya feylesofî, li teqlîdkarên zarokî dike!

   P- Weke çi?

   B- Ronahiya wicdanî, ilmên dînî ne. Nûra aqil, fennên medenî ne. Bi hevkelijandina her duyan, heqîqet tecellî dike. Bi wan her du aliyan xîreta telebeyan bi per bask dibe. Gava ku ji hev û din veqetin, ji ya pêşî teessûbî; ji ya duduyan, hîle û guman dertên.

   Şertê Sisiyan: Ji alimên Kurd ên zulcenaheyn/dubaskî ku Kurd bi wan bawer in, an jî ji bo hînbûnê divê ji wan kesên ku bi zimanê herêmî aşîna ne, weke mamoste bên hilbijartin.

   Şertê Çaran: Divê bi qabiliyetên Kurdan re îstîşare bê kirin û sebîtî û basîtmayina wan(rebenên Kurdan), li ber çavan were girtin. Lewra gelek kinc hene ku ji bejnekê re rind; lê belê ji bejneke din re nexweş tên. Perwerdekirina zarokan, an bi darê zorê dibe, yan jî bi wî awayê ku meriv kêfa xwestekên wan bîne pêk tê.

   Şertê Pêncan: Bi temamî tetbîqkirina awayê karbeşiyê da ku destpêk û dawiya her beşê ji hev diyar bibe û di her beşê de pispor derbikevin.

   Şertê Şeşan: Ji medreseyê re dîtina fonekê û ji xwendekarên wê re jî, peydekirina hatineke ku pê debara/meîşeta xwe bikin. Hem jî divê ev medrese, hempayê Dibistanên Bilind ên fermî be û divê ku îmtîhanên medreseyê, mîna îmtîhanên fermî, bi encam bin da ku yên jê mezûn dibin, betal û bêîş nemînin.

   Şertê Heftan: Divê ku Fakulteya Bilind a Mamostetiyê, bi awayekî demdemî ji vê medreseyê re navend were qebûlkirin da ku întîzam û fînansekirin ji wê fakulteyê derbasî vê medreseyê bibe; îca fezîlet û diyanet jî, ji vê medreseyê derbasî wê fakulteyê bibe. Bi vê hevbandoriyê ew, hev bi per û bask bikin û bibin zulcenaheyn.