P- Çima te berê sukût kir? B- (Haşiye)
لَِنَّ الِْسْتِبْدَادَ كَانَ مَانِعًا لِلِْتِّحَادِ فَكُنْتُ سَكَتُّ عَلَى جَمْرِ الْغَضَى
P- Êrîşa li şêxan bi xeter e. Di nav wan de welî hene.
أَلَ تَخَافُ أَنْ تُصِيبَهُمْ بِجَهَالَةٍ فَتُصْبِحَ عَلَى مَا فَعَلْتَ مِنَ النَّادِمِينَ
B-
، اِنَّ الْمَوْلَى جَلَّ جَلَلُهُ قَدْ وَسَمَ بِقُدْرَتِهِ عَلَى جِبَاهِهِمُ الرَّفِيعَةِ نَقْشَ الْحَقِيقَةِ وَمُرَادِي اَنْ أُرْشِدَ مَنْ طَاشَ فَهْمُهُ مِنْ ذٰلِكَ النَّقْشِ
Belê, êrîşa min, ne li dijî wan e; li lehê wan e da ku hin ne ehîlên ku xwe bi sûretê wan didin nîşandan, qîmeta wan danexînin.
Ew, bi gef û guran nikarin min rawestînin. Çi tehlîke derkevin pêşiya min, bi ’ezma qet’î ez dê bi serê de herim. Digel ku Ermeniyekî ji rêzê, vê heyata dunyayî di ber gelê xwe de feda/gorî dike, ez ku têkiliya min bi heyatê re pir qels e, nemaze bû heft caran ku hindik mabû ev heyat ji destê min biçûya, bi emanetî di destê min de hatiye hiştin, ne heqqê min e ku minnetê bikim. Digel ku ev rûh dixwaze ji qefesê bifire, here serê darê jî, aqil ji serî bireve bêhêvîtiyê jî, ji bo ku di dahatuyê de were gorîkirin, hat îbqakirin. Tehdîtkirina bi vê heyatê ji min re ne xem e. Îca radibin bi heyata axretê min tehdît dikin, gefan li min dixwin. Ji wê jî minnet nakim û bê minnet in. Ruhekî ku bi agirê niha yê esefê dişewite ne xem e, bila bi nifira wan di dojehê de bişewite! Çawan ku bi derxistina ji agirê esefê, wicdan, ji amancê, ji xwe re fîrdewsekê tezemmun dike, xeyal jî, dê ji emelê, ji xwe re (cennetekê çê bike. Bila hemû kes bizanibe ku min bi her du destên xwe, her du heyatên xwe girtiye. Li hember du xesmên xwe yên li du meydanên herbê, bi du herban re ketime mijûliyê. Merivê ku yekheyatî ye, bila dernekeve meydana min!..
P- Tu ji şêxên îro çi dixwazî?
B- Ez wê îxlasa ku timûtim mijara demdemeyên wan e... Hem jî li qişleya manewîbûyî ya ku jê re tekiya tê gotin, li eskeriya rûhanîbûyî ya ku jê re terîqet tê gotin, cîhada herî mezin û terka îltîzama nefsê ku pê re girêdayî ne hem jî berdana menfîetên şexsî ku wateya wê zuhda ku şîara wan dixwazim.
