عَلَى رَغْمِ أَنْفِ أَبِي الْيَأْسِ

   Aliyê duduyan: Biyaniyan, heta niha dikirin hincet û li gelê me tehde dikirin. Îca a niha di destê wan de tiştekî ku pê zerar bigihîje heqên wan ên nijadî yên merivî yan jî li demarê wan ê muteessîbûnê yan jî li hestên wan ên suflî yê dessasî bikeve û ji bo ku lêdanê bikin hincet, nikarin bibînin. Heke bibînin jî, cî nagre. Nexasim medeniyetî, hezkirina ji merivan dixe dilan.

   P- Heyhat! Ji wan marên bidehşet ku wan devê xwe vekirine û dixwazin jiyana me li derdora me bi jehrê bixin û dixwazin ku dewleta me parçe parçe bikin û dikin ku ev mebesta bilind ku tesellî dide me, bi yeisê were guhertin re gelo em dê çi bibêjin?

   B- Metirsin! Ji ber ku medeniyet li hêla fezîlet û azadiyê ye, di nav ‘alema merivahiyê de dest bi xalebeyê dike, bivê nevê bi zerûrî aliyê din ê mêzînê bi temamî dê sivik bibe. Hema weke ferza muhal, -Xwedê neke- heke ew, me parçe parçe bikin û bikujin, bila bawer bikin em dê bi bîstîkî bimirin bi sê sedîkî bivejin û biêne vejandin. Em dê toz û xubara rezîlî û îxtîlafan ji ser serê xwe daweşînin û bi awayekî ji awayan,weke nûranîbûyê rastîn û hevgirtî ji karwanê merivahiyê re pêşdarî bikin. Em ji mirineke wisan ku bi jiyaneke şedîd, herî qewî û herî baqî bi encam dibe natirsin. Heke em bimrin jî, Îslamiyet sax dimîne.

فَكُلُّ اٰتٍ قَرِيبٌ

   P- Em û xeyrîmuslîm dê bi çi awayî bibin wek hev?

   B- Îca her çî wekhevî ye, ne di fezîlet û şerefê de ye; di huqûqê de ye. Îca di huqûqê de şah û geda yek in. Gelo heke şerî’etek, bibêje: “Pê li gêreyan/moristangan mekin!” ji ezabdanê meni’ bike, ka dê bi çi awayî heq û huqûqên benî Ademan îhmal bike?  Kella! Mixabin, me guh nedayê. Erê, ez zenn dikim ku muhakemeya Îmamê ‘Elî bi Cihûyekî reş re, tevî Xirîstiyanekî miskîn murafeeya Selaheddînê Eyyûbî ku hûn Kurd pê serbilind in, vê xeletiya we sererast dike.

   P- Ermenî, bi zimmî cizye didin Dewleta Osmanî û wan xwe sipartiye dewletê. Ehlê zimmetê ¹  ka bi çi awayî bi zimmetdarên xwe re dibin wekhev?