ne re bê vekirin. Helbet ê ku acîl serê pêşî sisêyan dide û li pêş bi eceleyê sê sedî qezenc dike, zerar nake.
وَسَيَأْخُذُ الِْسْلَمُ بِيَمِينِهِ مِنَ الْحُجَّةِ سَيْفًا صَارِمًا جَزَّارًا مُهَنَّدًا، وَبِشِمَالِهِ مِنَ الْحُرِّيَّةِ لِجَامَ فَرَسٍ عَرَبِيٍّ مُشْرِقِ اللَّوْنِ فَالِقًا بِفَأْسِهِ وَقَوْسِهِ رُؤُسَ الِْسْتِبْدَادِ الَّذِي بِهِ Haşiye
P- Haylo! Azadiya me, bi çi awayî ji azadiya temamê alema Îslamê re dibe destpêk û fecra wê ya sadiq?
B- Bi du awayan.
Ya yekê: Îstîbdada ku li bal me bû, li ber azadiya Asyayê, seddeke tarî kişandibû. Roniya azadiyê, nikaribû ji wê perdeyê derbas bibûya ku çav li wan vekira û kemilînan nîşan bida. Ha bi xerabûna vê seddê,fikra azadiyê belavî hetta Çînê bû û dê belav bibe. Ji ber ku çavê hêla azadiyê, di teraziya/mêzîna alemê de giran hat, di carekê de wehşet û îstîbdada ku di çavê din ê tariyê de bû, rakir. Her ku diçe dê rabe.Heke hûn rûpelê fikran bixwînin, rêya siyasetê bibînin û li rojnameyên ku xîtabî raya giştî dikin û guhdarî bikin, hûn dê fêm bikin ku li Hind,Misir, Qefqes û yên mîna van, bi kelekela fikra azadiyê di fikra alema Îslamê de ew qas guherîneke mezin û şoreşeke ecêb, pêşveçûna fikrî û hişyarbûneke tam encam daye ku di buhayê wê de, me sed sal jî dabûya, dîsan hindik û erzan bû. Lewra azadiyê, milliyet nîşan da. Cewherê nûranî yê Îslamê ku di sadefa/xezîneya milliyetê de ye, dest bi tecelliyê kir. Bi Tevgera Îslamê agahdar kir da ku her Muslîmek weke cuz-ê ferd ku bi serê xwe ye, ne serberdayî ye. Dibe ku her yek jê, cuz-eke wisan be ku her muslîmek, ferdek wek terkîba di hundirê hev de, bi hev sekiniye. Bi cuz-ên din re, ji hêla hêza giştî ya Îslamî ve,di navbera wan de silaya wan a rehmê heye. Ev agahî, hêviyeke qewî dide ku ji aliyê berxwedan û hawarxwestinê ve têra xwe qewî û metîn/çetin e. Vê hêviyê, quweya me ya manewî ku pişta wê bi bêhêviyê hatiye şikandin, îhya û bi rûh û can kir. Ev jiyan, ji fikra azadiyê ku dinav ‘alema Îslamê de ketiye kelekelê, dê alîkariyê bigre; wan perdeyên îstîbdada manewî ya giştî ku bi ser temamê ‘alema Îslamê de vegirtiye,dê parçe parçe bike.
