û darekî û kok û rehên gîhayan ên nermê wekî hevirmêşê, bismîllahê dibêjin; kevir û xweliya hişk qul dikin, tê ra derbaz dibin. Bi navê Xwedê û bi navê Rehman dibêjin, her tişt jê ra serbend dibe. Erê, mînanî belavbûn û meywedayîna çiqilan di hewayê da; bi kemala hêsaniyê va belavbûna kokên di wî kevir û wê xweliya hişk da û di bin xweliyê da êmîşdayîna wan, hem li hemberê zoraniya germê da bi mehan va termayîna pelên nazik û hêşîn, li devê xweristperestan da bi zoranî şîmaq lê dixîne, tiliya xwe dixiste çavê wî yê korbûyî û dibêje ku, hişkî û germiya pirtirbûyî bawer dibê jî, di bin fermanê da tevdigere ku ewan tamarên nerm ên wekî hevirmêşê, wekî yek çoyê Musa, ji fermana فَقُلْنَا اضْرِبْ بِعَصَاكَ الْحَجَرَ yê ra serfirûyê dike û keviran diqelişîne û ewan pelên ziravên nazikê mînanê kaxidê cixarê, wekî yek leşên Îbahîm (x.l) li ber germa agirpejan da ayeta يَا نَارُ كُونٖى بَرْدًا وَ سَلَامًا dixwînin.
Êdî ku her tişt bi awayê devikî va bismîllah dibêje. Bi navê Xweda va nîmetên Xwedê tînin didin me. Gerekî em jî bismîllahê bibêjin. Bi navê Xwedê va bidin, bi navê Xwedê va bigrin. Wekî werre ye, gerekî em jî, mirovên gêjî ku bi navê Xwedê va nadin, negrin.
Pirs: Em ji merivan di ciyê tablevan dayî ra bihakî didin. Gelo Xwedayê ku xwediyê malî û pertalîyê hêmaneyî ye, çi bihayî dixwaze?
Berpirs: Erê, bihayê ku ew Nîmetdayê Heqîqî, di şûna wan nîmetên hêja da ji me dixwazeyê, sê tişt in: Yekê wê, zikr e. Yekê wê, şukr e. Yekê wê, fikr e. Di serî da bismîllah, zikr e. Di dawiyê da elhamdulîllah, şukr e. Di navberê da huşana ku van nîmetên hêjayê xarîqepîşeyê mucîzeya qudret û yadigara rehmeta Ehedê Semed in û zanîna wê yekê, fikr e. Ramûsana lingê merivekê parsek ê ku yadîgarekê hêjayê padîşahekî ji te ra aniye û nenaskirina xwediyê yadîgarê, çi guneh guhnedetî be, wusa jî, pesinandin û hezkirina ji qencîkarên xuyakiyê û bîrvakirina qencîkarê bingehî, hezar carî, ji wê yekê pirtir, guhendetî ye.
Hey nefs! Tu wuha guhendebûnê naxwazî, bi navê Xweda va bide; bi navê Xwedê va bigre; bi navê Xwedê va dest bavêjê bi navê Xwedê va bixebite! Wesselam.
