navê serokekî girt. Yê pozbilind negirt. Yê girtî, li her ciyê da bi xweşî va geriya. Li rêbirrekî rast were, dibêje: “Ez bi navê filan serokî, digerim.” Rêbirr jê dûr dikeve, têkil nabe. Bikeve çadirekî, bi wî navî va rûmetê dibîne.
Pozbilindê dinê, di hemî gerana xwe da belayên wusa dikişîne ku, nayên nasandinê. Timî dilerizî, timî parsekî dikir. Hem zelîl, hem rezîl bû.
Êdî hey nefsa min a pozbilind! Tu ew geroka yî. Ev cîhana jî, çolekî ye. Acizî û feqîrtiya te bêhed e. Dijmin û hacatên te bêdawî ne. Êdî ku wusa ye, tu navê Xwedanê ebedî û Dawerê ezelîyê vê deştê bigre. Ta ku, tu ji parsekiya hemî heyîkan û li hemberî her bûyîkan da ji lerzaniyê da riha bibî.
Erê, ev axifta hanê gencînekî wusa pîroz e ku, acizî û feqîriya te ya bêdawî, te bi qudret û rehmeta bêdawî va girê didin. Dergahê Qadirê Rehîm da acizî û feqîriyê digerîne şefaetkarekî meqbûltir.
Erê, yê ku bi vê gotinê tevdigere, dibe mînanê wî merivê ku, li eskeriyê da bend dibe. Bi navê dewletê va tevdigere. Ji tu kesekî ra perwayê wî namîne. Bi navê qanûnê va bi navê dewletê dibêje, her karî dike, li pêşberî her tiştî da deyyax dike.
Me di serî da gotibû ku hemî hebûkan, bi zimanê tewşî va Bîsmîllahê dibêje. Ma wusa ne? Erê, çawa ku tu bibînî tek merivekî hat, hemî merivên bajêr bi zorekiyê va bal ciyekî va ajot û bi zorekiyê va di karan da xebitand. Bêguman tu dizanî ku ew meriva, bi navê xwe û bi hêza xwe va tevnagere. Belkê ewa eskerek e. Bi navê dewletê va tevdigere. Bal zora padîşahekî va xwe dispêre. Werre jî, her tişt, bi navê Xwedayê Bala va tevdigere ku toxim û dendikên wekî hûrçikan, li ser serê xwe da darên girrase hildidin. Barên wekî çiyayî, bilind dikin. Divêk ew e ku her darek, Bismîllahê dibêje, ji meyweyên gencîna rehmetê da destên xwe tijî dike, ji me ra tablevaniyê dike. Her bostanekî bismîllah, dibêje. Ji pêjxana qudretê da dibe qazanekî ku cûre cûre gelek pirr xwiregên cihê yê noşdar, di hundirê wê da bi hev ra tên pijanê. Mînanî her çêlek û deve û pez û bizinekî, jiyandarên pîroz, bismîllahê dibêjin ji rêjana rehmetê da dibe kaniyekî şîr. Ji me ra bi navê Xwedayê riziqdar va xwarinekî naziktir û paqijtirê wekî ava jiyanê pêşkêş dikin. Her gîha
