Rûpela yekê: Tewşa ku reng û rewşa wî ya hemûyane rava dide yê ku navên -hey Rewişkar, hey Endazekar, hey Dûzenkar- hildide.

   Rûpela diduyan: Tewşa sade ya gul û merivê ya ku di çehrê wan da bi bişkivana leşên cihê cihê va peyda dibeye ku di wê rûpelê da mînanî navê Zana û Huwîdedar pirr nav tên nivîsanê.

   Rûpela sisêyan: Ji leşên cihê cihê va yên wan du aferîkan ra bi dayîna rindî û sosiya cihê cihê va di wê rûpelê da mînanî navê Pîşekar û Çêkdar pir nav tên nivîsanê.

   Rûpela çaran: Sos û rindikî werrê ji wan du çêkberan ra tê dayînê ku goya nazikî û bexşîn gewde girtiye bûye ewana. Ew rûpela mînanî –hey Nazikdar, hey Bexişkar- pirr navan hildide û dixwîne.

   Rûpela pêncan: Ji wê gulê ra meywên xweş û ji wê bedewê ra zarên rindik û xûyên başik bi darandinê va ew rûpela mînanî- hey Evîndar, hey Banînkar, hey Qencîkar- navan dide xwendinê.

   Rûpela şeşan: Di wê rûpela dayîn û qencîkirinê da navên wekî –hey Banînkar, hey Telizkar- tên xwendinê.

   Rûpela heftan: Di wan qenciyan û di wan çirîkan da werrê çirûskên rindî û zîbatiyê dixweyin, ku ji şabaşekê sade û evîneke zelalî ku bi arzû telizanekî bingehîn va hatiye hevîrandinê ra hêja dibin. Di wê rûpelê da navên –hey Zîbayê Baladar, hey Balayê Zîbadar- nivîsandî tên xwendinê.

   Êdî sade gulek rindik û miroveke xweşik û sade di çehreyê wî yê mayekî û xuyakî da weha navan rava bide. Gelo hemû kulîlk û hemû jiyandar û hebûkên mezin û gir, çerre navên bala û hemîşekiyê didin xwendinê, tu dikarî bipîvî.

   Hem mirov ji aliyê can û hiş û dil da û bi rûpelên jiyan û laşên nazik va mînanî: Jiyandar û Payîdar û Jiyankar, çawan navêd pakîn û ronak dixwîne û dide xwendinê, tu dikarî bipîvî.

   Êdî bihişt gulek e. Gurûha çavbelekan jî gulek e. Rûyê zemînê jî gulek e. Bihar jî gulek e, asîman jî gulek e. Stêrk nimûçên avzêriyê wê gulê ne. Roj jî gulek e; heft rengên di tava wê da boyaxên nimûçdariya wê gulê ne.