Bersiva pirsîna diduya: Xuyayî ye ku, di pîşeyê xweşbêjiyê da divêka bingehîna axiftekî û axiftankî, ji divêkekî dinê yê daxwaz ra sade bibe ber desteka hoşaniyê, ji wê ra axifta veşarîn tê gotinê û axiftankî ku jê ra veşarîn tê gotinê divêka wî ya kokane, bingera rast û derewan nîne. Belkî divêka veşarînê ye ku dibe bingera rast û derewan. Eger ew divêka veşarîn rast be, ew gotina rast e, divêka wî ya kokane derewîn be jî, rastiya wî hilnaşîne. Eger divêka veşarîn rast nebe divêka wî ya kokane rast be, ew gotina derewîn e.

   Nimûnane: Ji nimûnêd veşarîn da 

فِلَانٌ طَوٖيلُ النَّجَادْ

  tê gotinê. Dibê, “Benda qayîşa şûrê wî dirêj e”. Ev gotina ji dirêjaya bejna wî mirovî ra veşarîn e. Eger ew mirova dirêj be, şûr û qayîş û bendê wî tune be jî, dîsa ev gotina rast û durist e. Eger bejna wî mirovî dirêj nebe, çendan şûrekî wî yê dirêj û qayişekî wî yê dirêj û bendekî wî yê dirêj hebin jî, dîsa ev gotina derewîn e. Lewra divêka wî ya kokane daxwaz nîne. Êdî mînanî çîrokên Gotina Dehan û Gotina Bîst û Diduyan, çîrokên gotinêd mayîn ji keriyê veşarînan e ku, bingehên di dawiya wan çîrokên pir rast û durist û hevwarê bûyîkiyê da divêkên veşarînê wan çîrokan e. Divêkên wanî kokane, dûrbînekî nimûnadinê ne, çawa dibe bila bibe, ji rastî û duristiya wî ra ziyan nade.

   Hem ewan çîrokan, yek nimûne ne, sade ji bo ku ji gişta ra bide zanînê, zimanê tewşê di rewşa zimanê sirûşî da û qeratûyê veşarîk di rengê qaratûkê mayeyîk da hatiye ravadayinê.

   XWAZGAHA SISÊYAN

  Sparîkê hemû mirovan xudanê şaşitiyê ji piştî ku li hemberî pirsa xwe ya diduyan da bersiva birrak û hoşgîr û kerkir girt, pirsekê sisê yê weha dike: “Di Qur’anê da axifteyên wekî

اَحْسَنُ الْخَالِقٖينَ

،  û   

اَرْحَمُ الرَّاحِمٖينَ

  hebûna aferîd û banînkarêd dinê yê rava didin. Hem hûn dibêjin ku balatiyên bê dawî yê xwedayê cîhanê hene. Cêrgên dawîntriyê hemî cûreyên balatiyan hildigire. Tewş ev e ku balatiyê tiştan, bi dijberan tê zanînê. Êş nabe, kêf nabe balatî; tarî nebe tav çênabe; cihêbûn nebe hevdîtin kêf nade û bi vî awayî va?”

   Bersiv: Em ji keriyê yekê ra bi Pênc Awiran va bersiv didin.