Carinan, vexuyanêd karîn û huwîdekê ku li hemî rûyê zemînê da jiyandaran cure cure kom bike û belav bikeyê rava dide. Carina, hunerên karîn û huwîdekî ku giloka zemînê hemî hemî belav bike, çiyan bifirîne û doz bike bal rewşekî rindtir va bizivirîneyê rava dide.

   Divêk ew e ku, ji komandina ku ji her kesî ra bawerîn û zanîna wê bivêkiyê pêva da pir cêrgên komandinê jî bi wê karîn û huwîdeyê va dikare çêbike. Huwîdeya Xwedê xwastibe her hemin bi komandin û belavandina mervanî va wan hemûyan jî çêbike, yan jî êd hêjatirê wan çêdike.

   Pirsekî ye: Hûn dibêjin ku: Tu di Gotinêd xwe da endazîka nimûnandinê pir dixebitînî, tewş ev e ku li gorî pîşeyê axiftanê da endazîka nimûnandinê baweriyê nade. Di pirsikên bawerîk da radara axiftanîk divê, endazîka nimûnandinê li bal hozanêd kokên zanyariyê da di daxwazên ku gumana gur tê da bese yê da tê xebitandinê. Hem jî tu nimûneya di awayê hinek çîroka dibêjî, çîrok dibe xeyalekî, nabe bingehekî, ji bûyîkê ra dibe dijber.

   Bersiv: Li gorî xwendina axiftanê da çendan “Endazîka nimûnandinê, baweriya birrak nade” hatiye gotinê, lê cûrekî endazîka nimûnandinê heye ku, ji radara bawerkiya axiftanê yê pirtir zorak e û ji keriyê yekê yê rewşa yekê ya axiftanê bawertirîn e. Ew keriya jî ev e ku, bi navberiya nimûnekî hûrik va tûjika bingehekî hemîşekiyê rava dide. Dawerana xwe li wî bingehî siwar dike. Qanûna wî bingehî di mayekî arizî da rava dide. Ta ew bingeha gir were zanînê û mayeyên hûrik bal wî va werin zivirandinê.

   Nimûnane: Bi nimûnandina ku roj bi navberiya ronatiyê va dema ku tek qeratûkî ye, li bal her tiştê ronak da heye, va qanûnekî bingehê tê ravadayînê ku ji bo roniyê û ronakiyê ra bend çênabe û dûr û nêzîkî yek in û hindik û pirr wekî hev in, cî nikare wî bistîne.

   Hem nimûnane: Meywe û pelên darê di gavekî da di awakî da bi hêsayî va û gihîştane, di tek gerînekekê da bi qanûnekî fermanîk va çêkirin û rewşandina wan, nimûnekî ye ku, tûjika bingehekî mezin û qanûnekî hemîşkî yê rava dide û wî bingehî û qanûna wî bingehî di awakî pir birrak da rava dide ku ev cîhana girase jî, wekî vê darê xuyagahekî wê qanûna bingehîn û wê raza tekitiyê ye û bergahekî gerrana wî ye.

   Êdî endazîkên nimûnandiniyê di hemî Gotinan da ev cûreyan in, ku ji radara birraka axiftanê zoraktir e û bawerîktir e.