Hem ev dara gir ji bo wan meywêd piçûk ra geh tê pejlandin û birrînê ji bo tezekirinê ra hinkî aliyê wê tê hişandinê, ji bo ku meywên rindtirê peyîdar bideyê ra tê çiprandinê. Were jî, mirovê ku meywa vê dara cîhanê ye, ji hebûn û çêkirina cîhanê da daxwaz ew e û armanca çêkirina hebûkan jî ew e û dilê mirovan jî, yê ku dendika wê meyweyê ye, neynikekî ronîtir û firehtirê Hostayê cîhanê ye. Êdî ji vê huwîdeyê da ye ku, ev mirovê piçûk ji wergeranêd mezinê wekî belavandin û komandinê ra bûye binger, ji hilşandin û guherandina cîhanê ra dibe peywend, ji bo dawerandina wî ra deriyê vê cîhanê da dide û deriyê ya dinê tê vekirinê.”

   Êdî ku kolana komandinê hat, ji ravadayîna newtekî bingeha Qur’ana ahistegeraxêv ya ku li dora ciyandina komandinê da hêza axivana wî û zora bêjana wî rava dideyê ra hevwarî hat. Wiha ku: Çirîka vê hoşanê rava dide ku, ji bo dawerandina mirov û qezenckirina wê ya bextiyariya timmanî ra divêk çêbibe, hemî cîhan tê hilşandinê û karînekî ku hilşîne û bi guherîneyî dixuye heye. Lê cêrgên komandinê hene ji hinekî wî ra bawerîkirin bivêk e û zanîna wî divêk e. Hinekên wî yên dinê li gorî cêrgên hilkişaniyê rewanîk û hoşanîk da dixuyê û zanîn û nasîna wî, divêk dibe. Qurana Huwîdedar ji bo ku cêrga sade û hêsatir e, birrak û zorak rava bide karînekî ku çemberekî komandinê yê firetir û girtir vebikeyê rava dide.

   Êdî cêrga komandinê ya ku ji hemiyan ra bawerî diviyê ev e ku, ji piştî ku mirov dimirin, rewanê wan bal wargên dinê va diçin, gewdeyê wan dirizin. Lê ji gewdeyê mirovan da pirtikekî wî yê piçûkî ku jê ra zîlika poçikî tê gotinê, yê ku bibe mînanî dendikekî û toxmekî payîdar dimîne. Xwedayê Bala li ser wî da gewdê mirovan, di komandinê da diafirîne, rewaniyê wî bal wî va dişîne. Êdî ev cêrga werre hêsa ye ku, di her biharê da bi milyonan va nimûnên wî dixuyin. Êdî carinan ji bo ravakirina vê cêrgeyê ra ayetên Qur’anê çemberekî werre rava dide ku tevgerana karînekî ku hemî hûrçikan bikomîne û bibelavîneyê rava didin.

   Carinan jî, hunerên karîn û huwîdekî ku hemî aferîkan bal pûçaniyê va bişîne û ji teze da bîneyê. Carina tevgeran û hunerên karîn û huwîdekî ku dikare stêrkan belav bike û asîmanan kerî bike rava didin. Carinan, tevgeran û vexuyanê karîn û huwîdekê ku hemî jiyandaran bimirîne ji teze da bi carekê va bi dengekî va bijîne rava dide.