Di Stengaha Yekê da, çawa me ji hûrçikê da dest pê kir, ta bal stêrkan û asîmanan va me mora yekitiyê rava da. Qur’ana Huwîdedar bi vî cûreyê ayetan va ji stêrkan û asîmanan da digire, ta bal hûrçikan va nîvkariyê diqewirîne. Wiha awir dide û divêkane dibêje:

   Karînkarekî bê bergeyî ku zemîn û asîmanan weha dizgûn afirandiye, her hemin rêzgaha rojê ya ji çemberêd çêkberên wî da, bi eşkeratî va di çenga destê wî da ye.

  Êdî ku ew Karînkarê Serbest rojê bi gerrokên wî va di çenga destê xwe da digire û dizgûn dike; û bin dest dixîne û digerîne; her hemin giloka zemînê ya ku perçekî wê rêzgeha rojê ye û bi rojê va girêdayî ye jî, di çenga destê wî da ye û di tevdan û tevgerandina wî da ye. Êdî ku giloka zeminê di çenga destê wî da ye û di tevdan û tevgerrandina wî da ye bi eşkereyî va çêkberên ku di rûyê zemînê da tên nivîsandin û çêkirinê û mînanî meywe û amancên zemînê ne jî, di çenga destê wî da ne; û di perwerandina wî da ne.

   Êdî ku hemî çêkberên ku li rûyê hemî zemînê da tên raxistin û reşandinê; û rûyê wê dizêrînin û disosînin û herdem teze dibin û tên û diçin; û zemîn bi wan tijî û vala dibe, di çenga karîn û zanîna wî da ne û bi teraziya dad û huwîdeya wî va tên kişanê û dûzanê û madam hemî cûre di çenga karîna wî da ye. Her hemin kitên dizgûn û balayê wan cûreyan û kitên wanî parîkî wekî nimûnêd piçûk û hûrikê cîhanî û pêlanêd cûreyên heyîkan û pîristên piçûkê nivîsîka cîhaniyê, bi eşkereyî va di çenga xudatiya wî û çêkirina wî da ye; û di tevgerrandin û perwerandina wî da ye.

   Êdî ku her jiyandarekî, di çenga tevgerrandin û perwerandina wî da ye, her hemin, kuçek û gilolîk û leş û rehên ku hebûna wî jiyandarî direngîne, bi eşkeretî va di çenga zanîn û karîna wî da ne. Êdî ku her kuçekekî û her gilolîkekî di xwînê da yî, di bin fermana wî da ye û di çembera tevgerrana wî da ye û bi qanûna wî va digerin; her hemin hûrçikên ku maya hêmîna van hemiyan e û ji nimûça pîşeyî û ji ristina nimûça di wan hemiyan da yî ra mînanî mekûk û yayan e jî, bi bivêk va di çenga karîna wî da ne û di çembera zanîna wî da ne û bi fermana wî û bi destûra wî û bi zora wî va dizgûn gerrana dikin û bala olama dibînin. Êdî ku gerra her hûrçikek û olam dîtina wî, bi qanûna wî û bi destûra wî û bi fermana wî va ye.