Divêk ew e ku, li ser tiştên jê ra hêja û timanî, bingehdar û bêrewan, payidar û gehiştî û çagerîn da dimîne. Divêk ew e ku, koçwarekî dinê heye, her ew ê bal wê wargehê va were çûyînê.

   REWŞA DEHAN: Were îro, Newroja şahane ye. ^(Haşiye)  Ew ê veguheranekê çêbibe, tiştên sosret ê derkevin. Em di vê roja xweş a biharê da bal vê deşta hişîna xwediyê van kulilkên xweşik va biçin. Geranekê bikin. De binêre, şênî jî bal vî aliyî va diçin. Binêre, cazûtikî heye. Ewan xaniyana bi carekî va hilşiyan, rewşekî mayîn hildan. Binêre, efsûnek heye, ewan xaniyêd wêran, bi carekî va li vira çêbûn. Bi awayê ku ev çoleka vala bû bajarekî rêzganî. Binêre, mînanê perdeyên sînemayê, her seetekê cîhanekî dinê rava dide, rewşekî mayîn digre. Li vêya tûj binêre ku, di nav perdeyên ew hind tevlihev û lezanî û piranî û bingehî da dûzanekî çi hêja heye ku, her tişt li ciyê wî bixwe da tê danînê. Perdeyên sînema xeyalkî jî bi hindê vê ya dizgûn nabin. Bi milyonan cazûyên hunervan jî van pîşeyan nikarin çêk bikin. Divêk ew e ku ew padîşahê ku bi me va naxuyê, efsûnêd wî yê pirr mezin hene.

   Hey sersem! Tu dibêjî, çawan ev koçwarê mezin hilbişî, li ciyê mayin were sazandinê?

   Va tu dibînî ku, her seet pirr wergeran û veguheranê wekî guhirandina wê koçwareya ku hişê te hilnade yê çêdibin. Ji  vê komandin û belavandinê û ji van tewşan tê zanînê ku, di nav van komandin û belavendin û çêkirin û hilşandinê lezanî yê xuya yê da divêkekî mayîn hene. Ji  bo komandina seetekî ra bi hindê deh sala xercekî tê xerçkirinê. Divêk ew e ku, van rewşana bi xwe daxwaz nînin. Nimûnek û ravanekî ne. Ew balaya bi ahistegerêyê çêk dike, ta çehrên wan werin girtinê û çêkirinê, çerikêd wan werin hildanê û bên nivîsanê, çawa ku her tiştê bergaha rencanê ya kûzandinê, dihate girtinê û nivîsandinê. Divêk ew e ku di komegahekî mezintir da tevgeranî li ser vana here û bizvire. Hem di ravegahekî girtir da timî were ravedanê. Divêk ew e ku van rewşên buhûrîk û bêwar, rewşên payîdar û mêwên mayîk didin.