Wekî wisane, divê ku ew kesê bala, raste rast, li ser hemî heyîkan da derkeve û ji hemî hebûkan da bibore, bal wargekî va hilkeve ku, bi afirîdê hemî afirandiyan ra axiftinekî giştanî û bala û hemîşkî yê bike. Êdî, hilkişan jî, vê bingehê dide.

   A pêda: Êdî ku vê cîhanê, mînanê daxwazên borî, ji bo pir daxwazên mezin û amancêd pir mezin ra di vê çehreyê da sazandiye û cêrgandiye û sosikandiye. Hem êdî ku di nav van hebûkan da cûreyê merifa yê ku vê xwedatiya giştaneyê, bi hemî hûrikên wî va û vê padîşahiya xwedatiyê ya mezin, bi hemî bingehên wî va bibîne yê heye. Her hemin, ew dawerê serbest, ewê bi wî merfî ra biaxêve. Daxwazên xwe jê ra bide zanînê.

   Êdî, ku her meriv ji piçûktî û berxwartiyê da rût nabe, bal wargekî hemîşkî yê balatir va dernakeve. Ji  axiftina hemîşkiya wî Dawerî ra bi xwe va nabe axiftber. Her hemin ewê, di nav wan mervan da hinkê mervên tekane, bi wî karî va olamkar bibin. Ta ku bi du aliya ra hevwariya wî hebe. Hem meriv be, ta ji mervan ra bibe hînkir. Hem bi rewaneyê va pirr bala be ku, ta rasterast, ji axiftinê ra bibe xuyagah.

   Niha êdî ku, di nav van mervan da yê ku daxwazên Hostayê vê cîhanê, di awakî çêtir da daye zanînê û tilsima vê cîhanê pişkivandiye û girêka afirîkê vekiriye û ji rindiyên padîşahiya xwedatiyê ra di awayê çêtir da ravedariyê kiriye yê Muhemmed (Xweşî û geşî lê.) her hemin, ewê di nav hemî kitên merfa da gerran û çûyînekî wî yê veşarkî yê werre hebe ku, di kişwarê gewdekanî yê da di rewşa gerran û revanê da hilkişanekî wî çêbibe. Ta bal navbenda navên Xwedê û vexuyana rewşan û kirinêd wî û bal pey pişta cêrgên hebûkan va yê ku jê ra heftê hezar perde tê gotinê yê va cêrgan bibire. Êdî, hilkişan ev e.

   Dîsa bal dil va tê ku, hey guhdar! Tu ji dilê xwe da dibêjî ku: “Ez çawa bawer bikim? Xwedakî ji her tiştê nêzîktir, piştî ku rêya hezaran salî bibire, ji heftê hezar perdeyê bibore, ji wî şûnda, bi Wî ra hevdu dîtin, çi divîk e?”

   Em jî, dibêjin ku: Xwedayê Bala, bal her tiştê va ji her tiştê nêzîktir e. Lê her tişt ji wî da bêdawî dûr e. Çawan ku, bihîk û axiftina rojê hebe bi navberiya ayîna di destê te yê va bi te ra dikare biaxêve. Mînanê ku dixwazeyê, di te da dikare bixebite. Belkî ji bîbika çavê te yê wekî ayînê yê, bal te va nêzîktir e. Di wê tewşê da tu bi hindê çar hezar salî va ji wî dûrî, di tu alîkî da bal wî va nêzîk nabî.