Êdî gerrana hûrçikên kû mînanê wan pênç nimûna, belkî pênç hezar huwîdeyê va tên gerandinê yê, wan feylesofên bêhiş, bê huwîde guman kirine û wan hûrçikên ku di bingehê da, di du gerrên kêşane yê ku yekî wî xweganî ye û yê dinê çemberaniye yê da, bi zikir û tesbîhê Xwedê va wekî mewlewî zikir dikin û radibin geranê yê, dibêjin ku, ewana bi xwe bi xwe va wekî sersema dizvirin û dilîzin.

   Êdî ji wî da tê zanînê ku, zanîna wan zanîn nîne, nezanîne û huwîdeyê wan bê huwîdetî ye. Di Nuxta Sisêya da huwîdekî şeşa yê dirêj, hêj ewê were gotinê.

NUXTA DIDUYA

   Diher hûrçikekî da ji hebûn û yekbûna Xwedayê Bivîkhebûn ra du guwahên rast hene. Erê hûrçik, bi ahestî û hişkiya xwe va bihîkdarane olamên mezin dike û barên giran radike. Bi wê yekê va ji hebûna Xwedayê Bivîkhebûn ra birrakî guwahiyê dide. Çawa ku di gerên xwe da, ji rêzanêd hemiyane ra hevwar tevdigere, di her ciyên dikeveyê da, rêzikên wî yê arizî yê dipayî, di her ciyê da wekî warê xwe bi cî dibe. Bi wê yekê va ji yekitiya Xwedayê Bivîkhebûn ra û ji tekitiya Xwedanê kişwerê der û hundir ra guwahiyê dide. Dibê hûrçik, a kî be, hemî cîhên lê digereyê jî, yêd wî ne. Divêk ew e ku, hûrçik, lewra ku aheste ye, barê wî pirr girane û olamêd wî gelek pir in, rava dide ku, bi navê karînkarekî bêberge va û fermana wî va piyadar e û gerrok e. Hem di awakî ku, ji rêzanêd hemîşkiyê cîhanê ra hevwar tevgerana wî û li her ciyê da bêengel va cîketina wî, rava dide ku, bi karîna tek zanakî bêberge va û bi huwîdeya wî va dixebite.

   Erê, çawan ku eskerekî di desteya wî da di bêloka wî da di taxbûra wî da, di alaya wî da, di leşkera wî da û bi vê awayê va di her çemberekî da yek siparta wî heye û li gorê wî siparteyê da yek olamê wî heye û bi zaniya wan siparte û wan olaman va hevwar tevgeran, bi dîtina hînkirin û hoykirinêd di bin rêzikên eskeriyê da û ji ferman û qanûna tek komandarekî mezintirê ku li wan hemî çemberan, komandatiyê dikeyê ra bi tevayiyê va dibe. Were jî, her hûrçikekî, di hevgirtiyên di nav hevda, yek tewşê wî yê hevwar û yek siparteyê wî yê huwîdedarê cihîk û yek olamê wî yê dûzandarê cihîk û çirîkên wî yê poydedarê cihîk hene. Ji  wî yekî da her hemin, wê hûrçikê, di wan hevgirtiyan da di awakî ku, hemî siparte û olamêd wî biparêze û hûrçikê û huwîdeyan hilneşîne yê da bi çêkirin, ariziyê xwedakî ye ku hemî heyîkan, di çenga tevgerana wî da ye.