û di her tiştî da, ji xwe ra jî, parekî derdixînin û li karkerên mayîn ra serweriyê dikin. Bi wê yekê va da olamandina wan, bi dîtin va dixuyê, her hemin karker û paleyên keriyê çara, belkî yê yekayî hebin. Hem mînanî meriva bin ku daxwazên wî Hostayê Mezinkar dizanin, bi perestinekî va li gorî wî da tevdigerin. Hem bi berevajiya meriva va ji para nefsê û ji padajên hûrik da rût dibin. Sade bi nêrîna Hostayê Mezinkar va û bi fermana wî va û bi rûdana wî va û bi jimarîka wî va û bi navê wî va û bi nêzîkayiya wî va kêf û balatî û noş û bextiyariya ku bi arzîkiyê va û bi sipartinê va peydakirineyî bes dibin. Sade û xwerû dixebitin.

   Li gorî celebên wan da û li gorî hebûkên di cîhanê dayî va olama perestinê wan, cûre cûre ne. Mînanî olamkarên cihê yên di çemberên cihê yên dawerîkekiyê, olamêd perestin û tesbîhên wan di çemberên padîşahiya Xwedatiyê da were cûre cûre ne. Bi nimûneyî va: Pîr Mîkaîl, ji çêkberên Xwedê yê di zeviya rûyê zemînê da hatiye çandinê yê ra bi zora Xwedê va û hêza wî û bi jimarîka wî va û bi fermana wî va di ciyê nêrîndarekî giştane da ye. -Gotin durist be- serekê hemî periyên wekî cotkara ye. Hem bi destûra Çêkdarê Mezinkar va û bi fermana wî va û bi zora wî û bi huwîdeya wî va serekê şivanêd veşarkiyê hemî jiyandaran, perîkî mezinê siparîkî wan heye.

   Êdî ku li ser her yekî van hebûkên dervakî da hebûna yek periyê siparîk divê, ta ku olamên perestinê û karên tesbîhê yê wî gewdeyê ku rava dideyê, di cîhana hindir da bixuyîne. Ji dergahê Xwedê ra bi zanayî va bipêşîne. Her hemin rewşên di warê periyan da yî, ku agahdarê rast gotiye yê, pirr hevwar in û hişbend in. Bi nimûneyî va, ferman kiriye ku “Hinek perî hene, çil seriyê wan, yan çil hezar seriyê wan hene. Di her seriyî da çil hezar devê wan hene. Di her devekî da çil hezar zimanê va çil hezar tesbîhan dikin.” Ev bingeha hedîsane, divêkekî wê heye, yek jî, rewşa wî heye. Divêka wî ev e ku:

   Perestinê periyan, hem pirr dizgûne û hêja ye, hem pirr mezin e û fireh e. Rewşa vê bingehê jî ev e ku, hinek hebûkên gewdeyî yê mezin hene ku bi çil hezar seriyî û çil hezar awayî va olamên perestinê dike. Bi nimûneyê va, asîman bi rojan û bi stêrkan va tesbîhan dike. Zemîn tek çêkberekî ye, bi sed hezaran seriyê va di her seriyê da, bi sed hezaran devê va, di her devê da bi sed hezaran zimanî va olama perestinê û tesbîhên Xwedê dike.