Ji yekê dinê ra ji bo nexweşiya wî ra ziyankar e, bi awayê dermandariyê va ji wî ra heram e. Ji  yekê dinê ra hindik ziyanê dide, bi awayê dermandariyê va mekrûh e. Ji yekê dinê ra bêziyanî va karê dide, bi awayê dermandariyê va sunnet e. Ji yekê dinê ra ne ziyan e, ne kar e; bira bi noşîn va vexwe, bi awayê dermandariyê va ji wî ra dirust e. Êdî heq li vê derê da bû gelek. Her pênc jî heq in. Ma tu dikarî bêjî ku, “Av sade derman e, sade wacib e, fermanîkê wî yê dinê tune ye.

   Êdî mînanê vê ya, fermanîkên Xwedê, li gorî mirovên ku bi ajotina huwîde ya Xwedê va li pey rêgahan diçinan va vediguherin; hem bi awayê heq va vediguherin û her yekî wan jî dibe heq û dibe kar. Bi nimûneyê va, mirovên ku li gorî huwîdeya Xwedê da li pey Pêşwarî Şafi’î diçinan; bi piranî va li gorî ‘Henîfiyan da bal gundîtî û koçertiyê va nêzîktirin; û di jîna komaniya ku komê tîne cî tek hebûnekî da nîvco nin. Ji wê yekê da her yekê wan, bi xwe bi xwe va di dergahê Xwedayê daxwazdayî da derdê xwe dibêje û daxwaza xwe ya arizî dixwaze ji bo wê yekê ra li pey pêşwar da Fatîheyê, yeka yek dixûnin. Hem heq bi xwe ye û sade huwîde ye. Mirovên ku li pê Pêşwarê Mezintir da diçin, bi gorî piraniya bêberge va dawerîkên Îslamê, pirraniya wan, aliyê wê rêgahê girtine; bi wê yekê va bal bajarvaniyê û bajartiyê va nêzîktir in û ji jîna komaniyê ra amedeyin. Ji wê yekê da komekî dikeve ciyê merfekî. Tek merfekî, bi navê giştan va dibêje û hemî bi dil va wî dirastînin û dilê xwe pêva girê didin. Gotina wî dikeve ciyê gotina hemiyan. Ji  wê yekê da li gorî rêgaha ‘Henîfî da li pey pêşwarda, Fatîhe nayê xwendinê û nexwendina wî, heq bi xwe ye û sade huwîde ye.

   Hem bi nimûneyê va, êdî ku şerî’et, ji êrîşa xuristê ra çember dikîşîne, bi wê yekê va wî dengdar dike û nefsa kotî, perwerde dike, her hemin, li gorî rêgaha Şafi’î da ya ku pirrê peyîkên wî gundî û nîvkoçer û palenin, bi destdana li jinekî va destmêj dişikê, gemarekî hindik, ziyan dide. Li gorî rêgaha Henifiya ku mirovên pêrevêd wî, bi gorê piraniyê va ketine jîna komaniyê û rewşa nîvbajarvaniyê girtine, destlêdana jinan, destmêjê naşikîne, ji gemara bi hindî diravekî ra rê heye.

   Êdî, emê palekî û xwendakiyê li ber çava bigirin. Pale bi gorî awayê jiyanê va bi têkilî û têgerana bi jinêd yabanî va û bi rûniştina li tenişta kûçikekî da yî va û bi ketina di nav tiştên pîs da yî va girivdar e.